|
يا جدو حويط12 ...شكلك كبرت وبديت تخرف.. اقول خلى شويت العقل الباقية لك وحافظ على برستيجك <<<هذا اذا كانت تعرف ايش معناها
انت ما تعرف انه اسباب قيام الحرووب هى الحريم..واذا حطينا شىء في بالنا نسويه يعنى نسويه واذا عم السلام يكون وراء هذا السلام الحريم... واذا الحريم دخلوا في التصويت للانتخبات راح يفوز صاحب اصوات الحريم (((ابو عبد الله وبس...والباقي يطس))) |
اقتباس:
حي الله العرايين من اقصاهم لادناهم انا اشهد انه ينشد بكم الظهر يا عزوتي و دام جيتو كلكم ما علي في الباقي و خلوا نديم ورا الحريم اللهم لا شماتة |
اقتباس:
هلا و الله فيكي يا الحلى كله انا ما قلت شي يا بنت الاجواد و ما دام انكم ورا ابو عبد الله و النديم فبنرشحهم يصيروا عمد على الحريم اما صفر الشوايب ما عليهم من اصوات الحريم و لا فكروا فيها و بعدين العمودية منصب رجالي و ما للحريم علاقة فيه و من متى صار للحريم اصوات ؟ الظاهر الاخت متخيلة حالها في امريكا عموما الميدان يا حميدان و التصويت بأوله ووروني يا حريم كيف بتنجحوهم |
كـــح كـــح
العمده خصص ولآ تعمم:sm166: >> من شآفت سبك بالحريم الشيطآن لعب برآسها ,,,:sm126: |
اناشد اخى الحنون الطيب الكريم صاحب العيون السكريه تحدوووه البشر ...ان يبتعد عن حويط12
واطالبه بالتراجع عن تصويته ويرجع الى صوابه ويقراء على نفسة المعوذات ولو يروح لشيخ يقراء علية يكون افضل.. واطالب جميع اخوانى واخواتى وابناء عمومتى بالتصويت (( لابو عبدالله)) تكفى <<ترى تكفى تهز رجال تحدوووه البشر اذا غيرت تصويتك لك مني اسوى ذبيحة لك عشان خاطر عيونك السكريه |
اقتباس:
الا عقلك رجع لك وانزاحت الغمامه السودة عنك احمدى ربك من يوم يومه وهو ضد الحريم راجعى ملفاتة وحمدالله على سلامتك ((ابو عبدالله وبس..والباقى يطس)) |
[align=center]((الرجوع للحق فضيله))
والخطأ أن تستمر بالخطأ وانا اضم صوتي لصوت اختي ((الحلا كله)) أخــــــــــــــــــاف العمـــــــــــــده سحـــــــــــر خويي الولد بطل يتصل بي بطل يسأل والعمده موداري ان اللي مايصوت لنا راح تنكد عليه ام العيال العمده ناسي دور المرأه في المجتمع ((ياعمده نابليون وهو نابليووون قال فتش عن المرأه))[/align] |
ياحويط 12
للحين معروض علي 3 ملايييييييين دولار:sm126: وقصر بشمال جده:sm271: و3سيارات موديل 2010 بسواقينها:sm147: للتراجع عن نصرتي لك :sm28: لكن لا لا وألف لا:sm166: وتعرضت للتهديد في وليدي فلذة كبيدي الدحمي بيخطفه وعقب يومين بيرسل لي شريط مصورلعمليه الخطف كامله ونديم الشمال يامال الحكه بيدعس وليدي وبينقله للتخصصي شفلك صرفه في هذول الاثنين |
الحلى كله أمشي مع عقل مجنون والآ عقل صآحي يوديني ورآ نديم الشمآل,,,,:sm166:
أم أسآمه مآعليكٍ يالغلآ نديم والدحمي حدهم يسرقون من بقآله مو خطف ,,, نآمي وأرتأحي يآوخيتي دآمك مع العمده مآمن خوف ,,,, :sm126: |
اختى وعزيزتى ورفيقة دربى توأم رووحى ((اعظم حويطيه)) بسم الله عليكى ..
اذا على الدحمى ونديم الشمال ...ولا يهمك اطالبهم بالإعتذار لك ولولدك حبيب خالتوو وخليه يغير تصويته وانا اشترى له الكورة اللى بالى باله... وانت يا عسل يا بنت امى وابوى فصولى طالبك طلب عاد فصول اول مرة يطلب لا ترديه تكفى يقول:sm147: (((خالتوو يا ام العسل ليال صديقتى غيري تصويتك..لابو عبدالله))) وانا اعرفك قلبك رهيف وحنون وخصوصا اذا طلبك فصولى:sm90: |
اقتباس:
ابشرك جايب معي ثنتين تكرونيات وثنتين اندونيسيات ((بنخطف أم أسامه)) وانتي يامجهولة المكان والاقامه بشوف لي نيجيري ((يسوي لي مندل)) وان عرفت مكانك خاطفك ومجوزك لابوعبدالله وبتسيري الثــــــــــــالثــــــــــــه:thumbs_up: ((ونسيتي وش قال العمده حويط عن حقوق المرأه)) يامسرع النسوان تنسى |
اقتباس:
افاااااااااااااااااااااااااا جينا نكحلها عميناها |
مادري ليش جاني شعور غريب اني في مسلسل بدوي متحضر
المهم فيصل طلبه على العين والراس لكن بعد تعرضي للتهديد حويط 12 وبس والباقي ماااااااااااااااااااااااش |
ههههههههههههههههههههههههههههههآي
الحلى كله يالغلآ اقول مآتحسي ان مرشحكم هذآ قآضي أمره منذووو مبطي ,,,, أنتي تقولي يعتذر وهو يهدد بعدين نديموه بالنسبه مجهوله الآقآمه ,,,منو يقول أنآ سآكنه في بيتنآ الي عند الشآرع وجنب البيت بقآله لوحتهآ حمرآ ,,,, وبالنسبه لموضوع الزوآج خلصنآ منه ,,,,:sm140: |
[align=center]~ نبذه عن سبب كراهية العمده الثاني عشر للمجتمع ~
هذآ ( الثآني عشر ) يآ حبآيبي مآهو الا ( مِحرآك الشر ) ومفرق الجماعات ومطلق الحريم وهو السبب الرئيسي في زيادة مهور آلبنيآت .. كل مآشآف عبآيه سودآ بالشارع الا وسآفط عندهـآ بالشآص حقه اللي مزبرقه بشطرطونات على القزاز وعلى المرايه وعلى الكفرات وحتىآ على علامة ( تويوتآ ) غاديه كنها ( سيآرة نقل ) بالزرقآ مآبقى الا يكتب على القزآز الخلفي ( بطلت تفرق يازلمه ) ..! .... ويقعد يتميلح عليهآ ويقول ( آرعيني عزوبي ودآيم آفكر آخر الليل وآرسم قلوب وبعد مرآت آبكي ) عاد البنت تنادي آخوآنهآ ويعطوه وحده مآيون بعدهآ ههههه هآّذي حيآته يآنآس شقآ × شقآ ..! عآد الشعور بالشقآ وآنه منبوذ في مجتمعه آدى الي آنه يكره المجتمع كآمل وصآر نكدي مشكلجي غسل آيديه بكلوركس منتهي الصلاحيه آنه يرتبط بـ الانآثي ولو بعلاقه عآبره وفيوم من الايام وهو مآشي بثوبه آلابيض اللي غآدي من ريحته المخيسه برتقالي في وديآن شآر شآف ( كحيلة العين) وعلى قولة المسلسل البدوي اللي على mbc "مخاوي الزيب " بنتن دميره .. الموهم كانت آخر محاوله له في آستطلاف الجنس الناعم معهآ .. جىآ ومسوي كدش بدوي لدرجة آنو نآبت على آطراف شعره شوك زي الرمثه .. وطبعاً سروآل الثوب آطول من الثوب (حركات البدو الاوليين هههه ) .. وشآفهآ وجآشت قريحته بـ هذآ البيت .. :- ياللي تمر ومآ رميت السلامي ..**.. آرفق وآدي وآجب الشرع والدين .. >> ساحبه عليه حتى بالسلام خخخخاي .. عآدر ردت عليه البنت في رد سخط هههه آهب يآ وجهك يآشبيه النعآمي .. ** .. ليتك تعرف الدين وتخلي الزين ..! طبعآً فقد الامل لانه شين من يومه وقآم يحرض المتزوجين على ضرب الحريم .. سلملم ..![/align] |
ما اقول الا الله يسامح يا نديم شكلك بتخرب على العمدة الحقيقى ابو عبدالله
اهااا الحين عرفت الحقيقة انت جاسوس داسك حويط12 علينا عشان تخرب علينا الحملة الإنتخابية لابو عبدالله (((كفاك الهم..اعظم حويطيه ))) نديم طلع جاسوس لا تهتمو لكلامه ..هو في صف حويط12 غيرو رايكم بسرعه |
ههههههههههههههههههههههههههههههههههههههههههآي
الدحمي كفيت ووفيت ,,,,,, والله بهذلت الرجآل ,,, بس بالله عليك شفت حويط عمره جآ وتميلح عند وحده >> حركآت مرشحكم ,,, وبعدين منو الي وده يتسبب في طلآق الحريم ,,>> نسينآ مآكلينآ >>>سبشل لنديم الشمآل ,,, |
اقتباس:
اقتباس:
وفيــــــــــــــــت وكفيـــــــــــــــــت يادحيم ومين يقنع الناس هاذي اني مااحب العمده حويط وبعدين انتي يام الهم والغم طاخك بالسوجن طاخك انتي وبيتكم والبقاله واللوحه الحمراء وجوزك اذا متجوزه -انا لان الحرمه قالت لي اني نكدي وجــــــــاهل وكل واحد بعدها مشى في طريق -والحمد لله -فكــــــه!!!!!!!! لاحظـــــــــــــوا ((جــــــــــــاهل))صرت احقد على كل المتزوجين والمتزوجات سلملم |
ههههههههههههههههآي
طيب وذآ تحقد وش نسوي لك يعني ,,,,:sm126: اللهم لآتوآخذنآ بمآ فعل نديم وأخويآه ,,,,,:sm151: |
اقتباس:
باخر رمضان -اكيد عارفه وين علشان تصوتي له عرفت الحين -انتي وحده مرتشيه وان ماوريتك مااكون انا هههههههههههههههههاي وجعااااااااااااااااااااااي انتي شغلك عندي بس ارجع من مكه ذابحك ذابحك |
السلام عليكم ورحمة الله وبركاته حيا الله الجميع من شباب وشيبان ،،، رجال ونسوان ،،، أقول أنا الحين باتوسط لإعلان هدنة ،، يلتزم بها الطرفان ،، وخلال التوقف ، إسمعوا مني هذي السالفة اللي مضى عليها من الزمن عامان ،، في هذا المنتدى دارت حرب على كرسي العمودية ،، خاض غمارها العمدتان ،، وكنت أسعى بينهم بحل وسط ،، على رأي المثل المصري اللي يقول ،، القفة أم ودنين يشيلوها اتنين ،،، وعلى كذا خلينا نقسم البلد نصين ،، حويط الثاني عشر عمدة البدو ،، وأبو عبد الله عمدة للحضران وتابعوا معي ما حتفظت به من قصاصات الصحف وتسجيلات مراسلي الحرب ،، **************** أحدهم ،، من مناصري حويط 12 كان اسمه (المنسي) >>>> الله يمسيه بالخير وين ماكان حضرته مهندس ميكانيكي ،، ويسجل له أنه أول من أدخل انتخابات العمودية في حرب ضروس استخدمت فيها الدبابت والطائرات ،، وكادت تقضي على جميع المتنافسين من الطرفين ،، وذلك يوم ألقى سعادة المهندس الميكانيكي القصيدة التالية : ياراكب اللي صوتها صوت بركان تحركت من قصـر اخـو هلالـه دبابة ضخمه ( وميد إن جابـان ) واعزتـي للـي يوقـف .. قبالـه سواقها جندي معه " دورة اركان "عنده شرابيـك المعـارك سهالـه متخرجٍ توه زكرتي .. ووذيان ..!! متكفل ، بقهر المعـادي .. كفالـه مايزعجه بالمعركه شوف جثمـان من لا ذبحه بالنار .. حول وغالـه مطنوخ ومروق وطايش وفسقـان يرمي وهو يسمع أغاني أصالـه !! قل للزعيم ونايب الحـزب فنـان منهو سعى للموت الاحمر سعى له لاتحسبون المعركه لعب ( كنكان ) ماهي سوالف يالا لا له .. يالا لـه من يوم ضميتوا مع الحزب نسوان لا والله الا .. ناوييـن .. الفسالـه حنا كوادر حزبنا من فئة ( man ) كل ٍ على راسه مجعـص عقالـه غلطان يامعاند بحر فيـه طوفـان وشجاب بنده ياولد عمـي للبقالـه والله لا اسفركم ورى حد جيـزان. ولا اسمح لواحدكم بشوفة عيالـه مي اهجدوا مازالها أمن وأمان قبل يتحراك عاد راعي الجماله قمت ، أنا ،، بصفتي داعية سلام <<<< يعني مع بعض الميل لأبو عبدالله رديت عليه بقصيدة قلت فيها ************* لا والذي صورك بصورة الإنسان***وخلاك من هل القصيد وكتاب المقاله أبياتك ما تهز لنا شعرة في الأبدان***ولا تحرك بها رمشة ، بعيون الغزاله ما دام أسلحتكم ، ورادة من اليابان***لفها بقرطاس واحفظها للعب الجهاله يلعبون بها أتاري أو (Batman)***واللي يفوز صارت (الكتكات) حلاله أشوف حزبكم يا خويي كلهم ضبان***شيخهم تمساح شايب ،، الله يعلم بحاله من سنين ، وسنين عايشٍ بلا اسنان***أكله وشربه مرق ،، ويشيلونه بشيَّاله إلا وش جاب طاري الحرب يا فلان***اللي نبيه تخصص وكل أبخص بمجاله عمدتنا نبي له مركاز يتوسط الميدان***وحويطكم بالبر يصف فناجينه ودلاله المسأله بسيطه ، وحلها بيد الأخوان***لا تعقدها (يامنسي) خلها تمشي بسهاله ********************** دخل بعدها جدنا المحترم العمدة 12 بقصيدة ذكر فيها تاريخه وأمجاده ،،، واتضح فيها إصراره وعناده فقال ،،، لا فض فوه <<<<< هذا لو كان فوه فيه شيء قابل للفض النفس طابـت وانتهـى وقـت الآمـال ....................................ماعـادفـي نفسـي تعـيـش الأمـانـي كني اعيـش وبيـدي اقيـودوأغـلال ....................................ومـن حولـي الدنيـا تـدورابمكـانـي اصبحت مدري وين ضايع بيالحال ......................................ضاقـت بي الدنيـا وضـاق الزمانـي كـل ٍ يـعـرف ان الـزمـن دوممـيـال ....................................لابـد يجـي يــوم ٍ نضـيـق ونعـانـي أي ولله ان البـأس يبغـى لـهرجـال ...................................تصبر و تاقـف بالقسـى و المحانـي لولا الفروض اللي بميزانالاعمـال .....................................محـد ٍ رضـى عيشـة حيـاةالهوانـي لكـن يـاربـي نشتـكـي صبـرنـاطــال ......................................طـــوّل علـيـنـا ظلـمـهـمبالمـهـانـي وشلون ارضى كرسي العموديهينشال ..................................ومنهو رضى بالظليمة يعيـش و يهانـي هذا الزمـن ياخـوك مـا عـاد ينشـال ..................................و طبعابو عبد الله اشوفه اليوم شاني ***************************** عاد ،، عمكم العود ،، ما سكت له وراح ،، ضاربه بالقصيدة الختامية اللي توقفت بعدها الحرب سنتين ،، وبقي كرسي العمودية شاغرا حتى قيام الحرب الحالية ،، فقلت في بياني الأخير : *********************************** هذا طبع العرب ما يتغير لهم حال .................................... لأجل المستحيل ضاع اللي بالامكان ِِ ما يحاربون إلا بالجعجعة والانفعال .................................... والصياح والدندنة بالطبول والأغاني لعنبو ابليسكم من جاب طاري قتال ...................................... ما بغيناها إلا قسمة بعدل وميزان ِ خذوا مني النصيحة وخلوها بالبال ................................... لا يصيبكم مثل اللي حصل بلبنان ِ ولا تنسون اللي جرى بالصومال ....................................حربهم على كرسي وشعبهم جوعان ِ وش ينفع الكرسي لو ضاعت الآمال .....................................وضاع الصفا والوفا بين الأخوان ِ أو جانا مجلس الأمن بسلاح ورجال ......................................والتكلفة من جيوب شعبنا الغلبان ِ أخواننا بمصر ، يقولون في الأمثال .................................. عن القفة اللي لها ثنتين من الأذاني يشيلونها اثنين وتخف عنهم الأحمال .................................. الكل يرتاح وما يبقى بينهم خسران ِ هذا الكلام السنع لو كان بينكم عقال .................................. عمدة للبدو وعمدة لديرة الحضران ِ ************************ والحين ،، يالربع كبيركم وصغيركم رجالا ونساءا ،، وش رايكم أعرض عليكم نفس الحل السابق ،،، عمدتين ،، واحد للبر واحد للحضر ،، وترا الاثنين شيبان ،، ولا يفيدون بشي ،، بس ما غير يختمون أوراق التعريف للمرور والجوازات ،، وهذا لغير الموظفين والطلاب اللي يجيبون تعريفهم من مراجعهم لكن لأجل البرستيج ،، ودنا نتمسك بمنصب العمودية عشان نرضي هالشيبان ،، وهم على كل حال بركتنا وما لنا غنى عن دعواتهم ، الله يطول بأعمارهم وهذا أنا منتظر آراءكم و(آراءكن) ،، وسامحونا على الإطالة ،، لكن الظروف أوجبتها وليكن معلوما ،، إنه هذي آخر مرة أتوسط فيها والله من وراء القصد عمكم العود أبو ياسر |
[align=center]ياناس ماحدى شاف لي سندريلا
وتفكني من عمها(البشمهندس كرميلا على رايها) ياخوي فكنا من سيرة العمد حويط من تجيب ذكره ((تجيني انفلونزا البعارين)) الله يخليك ياهندزه يامحترم يامتعلم لاتجيب سيرته على لسانك دمت كما تحب[/align] |
يالله حي ابو ياسر راعي القلب الاخضر
لكن بصراحة انت غير و جيتك غير و روحك غير و أنا يا اخوك احبك حتى لو مايل مع ابو عبد الله من باب انصر أخاك ظالماً او مظلوماً و لعلمك انت حليت المسألة بقصيدتك يوم تقول : لاتحسبون المعركه لعب ( كنكان ) ماهي سوالف يالا لا له .. يالا لـه من يوم ضميتوا مع الحزب نسوان لا والله الا .. ناوييـن .. الفسالـه حنا كوادر حزبنا من فئة ( man ) كل ٍ على راسه مجعـص عقالـه غلطان يامعاند بحر فيـه طوفـان وشجاب بنده ياولد عمـي للبقالـه والله لا اسفركم ورى حد جيـزان. ولا اسمح لواحدكم بشوفة عيالـه مي اهجدوا مازالها أمن وأمان قبل يتحراك عاد راعي الجماله و انا من ايام احاول ابعدهم عن الفسالة و هم مدربيين روسهم و مدرعمين يدوروها خاصة الأثول نديم الشمال انا موافق على حلك بس بشرط نقلب المسألة خلوني انا عمدة عند الحضر وودوا ابو عبد الله عمدة للبدو خلهم يدبلوا كبده و يقطعوا جلده |
بسم الله الرحمن الرحيم السلام عليكم ورحمة الله وبركاته اخي ابوياسر الله يعطيك العافيه دائم وانت سباق لفعل الخير مع الجميع بالنسبه لي موافق علي مااقترحته من صلح بيني وبين حويطـــــــــ12 ولكن الي حاز في نفسي ومندراسلاكي كلام حويط12عن البدو ياخوك البدو هم اهلنا وربعنا ولالناغناعنهم ابد ونااشهدان البدوحلوين حلوين0000وخفت الدم زودتهم حلاوه وحنايلي بالحضرفي خدمتهم لانهم ربعنا واهلنا والله يعزحكومتناالرشيده نشرة التعليم في كل قريه ومدينه واصبحت القريه مثل المدينه في جميع الخدمات ولايفوتني هناان اشيد بالجهود الجباره التي قام بها اخي وصديقي [نديم الشمالCOLOR="YellowGreen"]ِفي الحمله الانتخابيه وتكبده معانات السفر في المدن والقرىالتي يتواجد فيهاربعنا الحويطات كمااشكر جميع الاخوه والاخوات علي تصويتهم لي وفي الختام أسأل الله العزيز ان يديم الاخوه والمحبه بين ابناء العشيره عمده ابآعن جد ابوعبدالله[/COLOR] |
تسلم يدينك ياعمنا العوووود
انا اشووووف داااام شيبانا اتفقووو خلاص ننتظر ونشوف وش يصير بعد جلاسات المفاوضه بس اللى اشووفه انا حرب العمده حويط على نديم الشمال الشايب ذو الخدود المعفطه ولا العموديه ماخذها ماخذهاااا ونا بصراحه ودي انتف شايب الغفله هذااااااااااااا تحياااتي |
| الساعة الآن 10:02 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
إنطلقت الشبكة في 2006/10/17 م - المملكة العربية السعودية - المؤسس / تيسير بن ابراهيم بن محمد ابو طقيقة - الموقع حاصل على شهادة SSL