نبي نسوي فريق كروي(بس فيه مشكله)
 

ياشباب جاي في بالي اسوي فريق رياضي وابخليه يحترف من دوري الحواري إلى الدوري الأسباني .............. بس فيه مشكلات مو مشكله :(

( نبي لنا قطه .. لزوم تجهيز الفريق ):sm288:

وانا عن نفسي جاهز وحاضر ( عندي 1000 ريال يجيب 4 كور اصلية ماركة أديداس)<< ياقدمك

وعندي نديم الشمال جاهز بعد ومجهز قطته يقول يمكن يدبر 2000 ريال ، وعبدالله الموسي أشوف الفكره تلعب في راسه وناوي يجهز لنا قطته (بس مدري كم ) إن شاء الله شيك مفتوح ..
والآتي الأخير يقول مثل ماتدفعون انا ادفع دبلات ( ناوي يسوي في فريقنا مثل ماسوى البلوي في الاتحاد)قدها يابوثامر ..

وعاد ياطويلين الأعمار يد الله مع الجماعة وكثروا الدراهم والله الله بربطات الخمسميااااات ...

وعلى فكره ترى التشكيل الإداري من الحين كالتالي ( لأحد يجي بكره ويقول كاني ولا ماني ) أها علمتكم ..
نديم الشمال ==> المدرب الأول:thumbs_up:
عبدالله الموسي ==> المتحدث الرسمي
والآتي ==> عضو شرف النادي
وانا طبعا ً الكل في الكل وأمين عام الإدارة المالية ..:angel:

يلا يانشامى .. شدوا حيلكم نبي نخلي الفريق يشارك في كأس العالم في جنوب افريقيا 2010 ( يمديه ولا مايمديه) يمديه إن شاء الله .. :)

هلا و الله بالباشمهندس الوصيف

فكرة طيبة و لكم من عندي اربع جديان و عنز و كيسين رز .

بس و انا اخوك اذا بغيت ( الميضوع ) ينجح ابعد عنه نديم الشمال و شلة الحريم الي وراه .
ترى ان سلمته لنديم بيصلح هو واياهن فريق طبخ و حلويات و لا تقول ما علمتك .

و دام الفريق للحويطات ابغاك تحطني حكم خط لانها شغلة مريحة و ما فيها جري يعني ارفع الراية و انزل الراية و المصالح و انا اخوك مدورة .

لكن المشكلة يا باشمهندس وين اللعيبة ؟
الشباب الي هنا يا هزلانين و لا ذابحهم الحب و الهيام يعني بيجيبوا لنا فشيلة .
و كمان ما عندنا فلوس نجيب لعيبة محترفين !

اه تذكرت زمان كان خابر فيه دوري بين شرمة و الخريبة و ما ادري وش صار فيه و يا ليت تلحق تجيب كم واحد من اللعيبة الشباب قبل ما يمسحوا .

هديتك مقبوله ياعمدة كل هدية تنرد الا هدية العمدة ماتنرد ..
بالنسبه للجديان بيروحن مندي ليلة قص الشريط وافتتاح النادي ..
اما (العنز) ودنا نخليها حلوبه للناشئين ( يقولون حليب المعيزى فيها كالسيوم وفيتامينات يحتاجونها اللعيبه).. خخخخ

اما عاد ياطويل العمر انا ماني معك في استبعاد نديم الشمال .. لأن بصراحه من يوم شفت صوره في الحكير لاند وهو بالفلينه الصفراء مدري الخضراء توسمت فيه الإحترافية والنجوميه ولا بنيته الجسمانية ماشاء الله تبارك الله تشوف فيها اللياقه والقياده والتكنكل ولايهون الباس..

اما عاد اللعيبه ابشرك عندنا وعندكم خير .. إن ماخلوا الكأس والكوره وجونا يهزوا رؤسهم (مااعرف شي ) .....:sm28: