فضفضة2(يارب سامحني)
 

يارب سامحني


أي والله يارب سامحني .. سويت شي شنيع .. ولو درى أحد منهم... فيها قطع رقاب وحق عرب وطلاااايب وعلوووم ..

هذا سلمكم الله كالعادة دخلت المطبخ ع الظهريات وجالسه افكر لحالي بلحالي وش اسوي حلى ع الفطووور .. بدت تخلص مقاضي رمضان .مع ان أبوي يقول ما امداكم تاكلون حق 3000 اريال بنص شهر .. ويشكك بذمتنا ويقول شكلكم تتطشووون النعمة بالزبالة خايفات من طبخها }} أفكار وفلسفة شياب :sm15:
... نسى ولا تنسااا طلبات عياله وشروطهم الي ما تخلص .. لا وطالعين لك بموضه هالايام واحد صواني بالفرن وايدامات ماياكل .. وواحد معة حساسية من الدجاج ما ياكله }} اول مرة ادري عنه..:sm36: وواحد مسوي دايت قال الرز ما ياكلة بس المكرونة يسفها وطايح بالحلا ... وغيره وغيرة وربك يعين.. والي قاهرني ان الدبااات حريمهم ما ينزلن غير وقت مدت السفرة .. ولمن اتحلطم من حالي بالمطبخ وأقول يمة أنا ماني شغالة عند أبوهن كان تسكتني امي وتقول لي حرام وش تبي فيهن الي مرضع وتخاف تعطش ,والي عرووس توها , والي حامل وتتوحم ع ريحة الكشنة }} وهي ما تخلي صحن ما تلط منه ..


والشي الي يقهر أمي ... أمي ...يا ناااااس كله تسكت فيني يعنني أنا الي غلطانه ...وماتلقى لي عذر زيهن }} بديت أشك اني بنتها وهن حريم عيالها :sm266:

المهم من امس وانا قايلة لهم تبون حلااا ترا مافي مقاضي بح خلصن مقادير الحلا كلها .. ماغير تمر وتحمدوو ربكم .. محد عطاني وجة .. وكأنهم يقولو بتزرعين لنا حلا غصب ..

وتذكرت انه اليوم الضحى صحاني أخوي الصغير دحوووم( خامس أبتدأئي ) وكان يقولي .. عزوووفة مشتهي حلا مثل الي ارسلوه لنا جيرانا ( قصدة هذاك الحلا الي يتسوىى بشرائح السمبوسة وبنحشي جبنة وينقلي بالزيت ثمن بنحط عليه سكر أو شيرة ) أكيد كلكم عرفتوة طابين فيه موضة من قبل العاااام ..وتوني اسويه ( أخاف من شي فية قلي وزيت . هذي صورتة الحلاا للي ما يعرفونهhttp://www.hawahome.com/vb/nupload/13512_1195982950.jpg



رحمته دحوووم بعد قلبي وهو صايم وجالس يتشهوى الضعيف .. قلت لازم اسويله ووعدته اني بسوي احسن من جيرانا .. دخلت مطبخنا اليوم الظهر وفتحت الثلاجة .. مالقيت شي .. .. لا شرايح ولا خبز شراك ولا شي }} مشبهه الشراك بالشرايح :sm125:
.. اوووف ياربي الحين وش السوات .. لا سوبر قريب والبقالة الي جنب بيتنا مثل وجه راعيها مافيها شي علية القيمه .. حريص ع توفير الدخان للبزران وبس }} كنت اكلم نفسي :(

وفجأة تذكرت الفريزر الكبير الي بالمخزن لي زمااان ما فتحته .. كان انزل لتحت واولع المبة وادخل المخزن وافتح الفرزين }} ياحبها للاكشن :)
.. لقيتهااااااا ( صدق انها شرايح سمبوسة من رمضااان العام واشك بل أجزم ان مدتها منتهية )بس اخذتها وتوكلت ع الله .. كان اسويها مثل حلا جيرانا .. وحسيته أنجاااز لاني بصراحة اول مرة اسوية بالعادة مالهم عندي غير حلى ينحط باالثلاجة مثل الحلااا المسكت }} الاصفر الي من تحت بسكوووت ههه

المهم يوم جاء المغرب .. طبعنا حنا نحط كل شي مرة وحد ع السفرة ... حطيت الحلا كلة للرجال ,,, وانا قلبي ناغزني ماعلمت أحد ... ودعيت مع الاذان وقبل ما افطر ( استودعكم الله الذي لا تضيع ودائعه ) .. ويوم جت مواعين الفطووور.. شي عجيب !!... مشااااء الله مسح مسح كل شي ف الصحووون مسح ... اصبع من الحلااا مو مبقينه ..تقول كانوو بمجاعة .. كان ابتسم ابتسامت ثعبااان }} تصدقون عمري ماشفت ثعبان مبتسم هههههه

وقلت هي شي من الثنتين يا معدة الرجال ضد الاكس بيرد ... ولا ربي استجاب لدعائي }} واشك انهم الثنتين

أسمللة ع اخيي جاني يمدح ويشكر بالحلااا والفرحة مو سايعته ... ويقول بكرة سوي لنا مثلة هههههههههههههه يا بطني.. وانا اقول حاضر وواعده نفسي أني ما أعيدها :sm165:


ما قدرت افضفض لكم غير بعد ماقضت 8 ساعات ع فعلتي الشنيعة عشان أتأكد أن مافية وفيات أوطوارئ بالمستشفيات بسبتي :sm23:


وقلت قسم قسمااات أني ما أعيدها ,,, وانا أدري وقاصدة ..

والله يسامحني ويغفر لي ...

وسامحوني ع فضفضتي الطويلة فيني عذاب ضمير موب صااااحي مع أني مصلية ركعتين توبه وأستغفاااار

رد: فضفضة2(يارب سامحني)
 

الله سترها ( لا تكرريها )
هههههههههههههههههههههههههههههه
الفضفضه رقم (1 )دخلت على موضوعك وطلعت
لما شفت فضفضه الجزء الثاني صار مسلسل والله جلست اضحك على الموقف
ماشاء الله عليك ( حكاوتي المنتدى ) عادة قلت لازم ارد عليك
الله يسعدك ويوفقك باابوالشباب الي يريحك من المطبخ !!!!!!!!!!!!!!!!

قولي امين ياعسل (عزوف الشمال )

دمتي بسعادة تغمر قلبك ...

رد: فضفضة2(يارب سامحني)
 

أقول تآخذي بـ الشهر 2500 ريآل وتجين تطبخين عندنآ سآعتين زمآن وتتوكلي على الله ... ---> نظام تعاقد آبرك من الجلسه بالبيت :D

قول آنتم تلهطوآ آم السفره ثمن تمرضو وتجونآ تبلشونآ فالمستشفىآ

ذآك اليوم جآني شآيب آلله يستر عليه يقول آنه يحس بدوشه برآسه وضيقه بعد الفطور

وآصرفله بالغلط مطهر للمعده ههههههههههههآي قسسم آنه شوي ويدخل علي ويكفخني يوم ردووه هههههآي


الوكآد

آن شاء الله مآعلى آخوك شر بس شربيه لبن اليين يتبخر المكآن :D

بيس

رد: فضفضة2(يارب سامحني)
 

اهم شئ انه للرجال ( وانتِ استغفرتي هذا المهم ).

.

رد: فضفضة2(يارب سامحني)
 

الله يرووووجك وليه التقليد عاد تصدقي نفسي فيه وامس ازن ع اخواني يجيبون لي بس لا حياة لمن تنادي بس والله زين اللي اعجبهم
والله نفسي اجي عندكم واطب ع حريم اخوانك واكفخ فيهم لين يقولو آمين مو عيب عليهم

لا وانا اللي مسويه فيها واقووول لا خواني اعرسو لالالا دام ذي سواتهن لا ياحبيبي اجلس عند امك ابرك
وان شاء الله بعد عمر طوويل اذ جابو لي شرايح السمبوسه اللي ابيها اصورها واعطيها لخيك الصيييييغر ياحليله

مآدرى عن بلاويك الله يسامحك خخخخخخخخخخخخ

يلا ياقبلو بإأآأإآأإي

بس ع فكره يقولون التسمم ماتظهر اثاره الا بعد يومين هههههههه لا امزح لا تخاإآأإآفين

بأنتظار فضفضه(3) (4) ليييين العشره خبرك العيد جأأإآأإي باطريييق وتبدأ المعاناه

سلالالالالالالالالالالام

رد: فضفضة2(يارب سامحني)
 

رد: فضفضة2(يارب سامحني)
 

الحل الوحيد للخلاص من هذي الحالة الي أنت فيها كل يوم زيدي الجرعة و استخدمي أشياء منتهية صلاحيتها خخخخخخ


يا شيفة << ما أقصد شي
ودي في شيشبرك و تبولة و كبة نية و شراب الورد .. ضبطيها و أرسليها بكرة على ايميلي هههه


الحمدلله على سلامتهم و الله يحفظهم لك ..

رد: فضفضة2(يارب سامحني)
 

[align=center]
يادي الحلا الاصفر ابو بسكويت ديمه من تحت

يا اختي العزيزه

الم تسمعي بالمثل القائل

( ما ورا الحم سم )

وشيابنا المناعه عندهم عالية جدا


الواحد في المستشفى ياخذ ثلاث ابر بنج

وينادوه يافلان يقول سم

وبعدين ياويلك من الله وين تروحي من عذاب الضمير .
[/align]

رد: فضفضة2(يارب سامحني)
 

الاصفر الي من تحت بسكوووت << نفسي اعرف هذا متى يتقرض او يخلص كل الناس تلقي عندهم هالحلا

وقلت هي شي من الثنتين يا معدة الرجال ضد الاكس بيرد ... ولا ربي استجاب لدعائي }} واشك انهم الثنتين << يا بنت الحلال هذا الرجال الي عندنا تاكل اي شيء حلو مو حلووووو يعني سوي اي حاجه بياكلوها اسئلينا انا كل حلا اسويه ما يقعد بالصحن <<اروح بنت ههههههه

فضفضة حلوه <<فيه مستقبل تكتبي رواية قصيرة عندك حس الابداع

بانتظار الجزء الثالث

لك التحية

رد: فضفضة2(يارب سامحني)
 

ياااويلي ناس همها الحلا وناس ماهي عارفه وش تفطر اليوم زين إذا فيه تمر
بس تبي الصدق
أكوس فضفضه بالعالم
>> مات من الضحك
الله يسامحك طيرتي النوم من راااسي فطست ضحك
وربي جوك فوللي
الله يسعد أيامك
ضحكت من البطين الأيمن
وانا منفس من الغربه
وصاير أكلم نفسي هاليومين
وفي هذه الأثناء يكرر ماجد مأسأة أمس بشكل مغاير وطريقة أخرى جاني على غرفتي

يقول الله الله بالفطور حسسني إنو أبوي العود على غفله
بالله إيش أسويبه
الدب هذا
الساعه الحين 11:00 بالله متى يمديني أنام ومتى يمديني أقعد
ياليتني عند أميمتي

نتظرك
في
فضفضة أخرى

رد: فضفضة2(يارب سامحني)
 

أسمللة ع اخيي جاني يمدح ويشكر بالحلااا والفرحة مو سايعته ... ويقول بكرة سوي لنا مثلة << الله يحفظه لكم شكل الولد أدمن ..!

رد: فضفضة2(يارب سامحني)
 

وطلعتي منهم .. الي يدخلون ويطلعووون ولا حس ولا خبر ... طيب سلمي ع الاقل :)

بس تصدقين زين منك هالمرة انك رديتي .. وزين مني اني اغيرتك عشان تردي

وزين انك دعيتي لي .. عشان أقول آآآآآآمين يارب العالمين :sm125:


لا تحرميني من هالطله

رد: فضفضة2(يارب سامحني)
 

تقوله صدق .. والله انه عرض مغري بس وش رايك 2500 ويجيكم فطوركم لييين عندكم بدوني طبعاً :sm125:( وأكل صحي بعد) }} أغراءااات يوووم دريت انك تشتغل بهذاااك الشي الكريه + خدمة دلفري هاااوس }}} بس هاه المقاضي حقت الطلبااات عليك :sm26:

فكر ثمن رد لي خبر

رد: فضفضة2(يارب سامحني)
 

هلا بدرتنا .. والله اني استغفرت وقلت ما عودها بس تصدقين ذنبهم ماتعداني اليوووم تعباااانه حدي دوبني دخلت عشانكم ولا انا منطشة بالسرير من المغرب

حياك مليووون

رد: فضفضة2(يارب سامحني)
 

نصيحة لا تزوجييين أخوااانك تكوني بهم واحد ولا هم جماعة ... والله ياني اليوم تعبانه حدي ومن العصر بزارينهم مزعجييين أم خلقتي وهن نايماااات بالعسل ..وآآآخرتها نزلن صفر اليدين ماغير وحدة ماسكة صنية فيها 8 صحووون تطلللللللي ..}} تطلي ( يسمي ع النعمة )ياني حاقدة عليهن حتى وانا مرضااانه

الله يسامحك يمه .. مادعيتي تجيلك بنية غير بالحمل السابع }} وضيعي يا عزوووف بهالدنيااا

بالله مو المفروووض اني المدلللله .. مو المكرووووفة وانا تعباااانه


الشوق هيضتي شجوووني ...

رد: فضفضة2(يارب سامحني)
 

حرام عليك ( مجرمة ) }} احسها كبيرة

بنت الموسي أنتي الي حاسة فيني وانا واعده نفسي معاد اكرررها

.. أقول ارسلي بزرانكم عندنا وخلي الازعاااج يكمل هههههههههه

رد: فضفضة2(يارب سامحني)
 

عطر .. عطر الله ايامك

نصيحتك ما تنفع بعد البارح ..ماااش معدتهم ضد كل شيييييي

ابشري من عنوني ما طلتي شي بس الششبرك هي نفس( اذان الشايب الي عندنا )؟؟


دعواتي لك

رد: فضفضة2(يارب سامحني)
 

ضميري صاااحي }} وهذي مشكلتي :sm266:

بعدين الحلا الاصفر مافيه بسكوووت ديمه فيه بسكوووت شاي .. يمكن تقصد غيره :sm165:

واذكر الله ع شيبانا }} راحووو ملح :sm125:

رد: فضفضة2(يارب سامحني)
 

أني خيرتك .. منور بهالطله الرمضااانيه

بعدين ايش بلاااكم ع الاحلاا الاصفر .. هذا السهل والمتواجد بكثرة

يعني تبووون شي معقد مثل السنابولي ولا حلااا طبقااات الارض .. ولا الشيز كيك

ولا بنااات عمهن ..من وين نجيب وقت لهن هذوووول .. نقطع عمرنا يعني


ترا حدنا روووح تتنفس احيانا بصعوبه

رد: فضفضة2(يارب سامحني)
 

الله يردك حق أهلك ... أنا بعد حاسه فيك .. الغربة شينه وأنا أختك .. ذكرتني بجووو الدراسة .الله يلحقنا ع خير . بس انتم احس منا ع الاقل الواحد يطلع يروح متى ما اشتهى ,,, أحنا ياحظي حراااسة واقفال ,, شبابيك مكتووومه بحدايد كانك بسجن الملز أعوذ بالله حشرة بالدنيا .. بس يالله لجل تتحقق احلامي .. وفرحت أموميمتي الله يخليها لي ..


نااام الله يستر عليك ومجودد ونيوووف يهجدووو مو كل شي عليك,, كفاية انك جالس ترد ع فضفضتي :sm125: