خسارة
 

[poem=font=",6,blue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
خساره يالصديق اللي عروق القلب ماكثها=تبدل ريحة الريحان في ثومه وكراثه
اناديلك تجي كاسلحفه والارض تحرثها=تناديني اجي صاروخ ولا سرع نفاثه
على فرقاي احسك دايم نفسك تحدثها=وانا نفسي على وصلك دوام الدوم حداثه
نكثت العهد وعهودي معك ماني بناكثها=كذا الدنيا قلوب وافيه وقلوب نكاثه
انا طبعي وفي ياصاحبي خصله ووارثها=ودنيانا كفيله تكشف الصاحب وميراثه
يقولون المصالح لاغزت صحبه تلوثها=اكيد المصلحه ياصاحبي وسخه ولواثه
كرهتك يالغلا ياللي جميع الناس غاثثها=سواتك ف القلوب الطيبه شينه وغثاثه
ذبحني همك وغمك وضيقة نفس ثالثها=خطوطك وسط قلبي كنها شيول وحراثه
[/poem]

رد: خسارة
 

كرهتك يالغلا ياللي جميع الناس غاثثهـاسواتك ف القلوب الطيبه شينه وغثاثـه

ذبحني همك وغمك وضيقة نفس ثالثهـاخطوطك وسط قلبي كنها شيول وحراثـه

كتبت فأبدعت اخي /محمد ... سلمت يداك ... لاتحرمنا ابداعك ..
استمر ننتظر جديدك ..

رد: خسارة
 

صح لسانك وجاد بيانك محمد

رد: خسارة
 

صح لسانك ياامحمد
كفيت ووفيت
جزله وراائعه
تحياتي

رد: خسارة
 

اشكر الجميع على المرور