من دون تريم .. .. !!
 

[poem=font="Simplified Arabic,6,,bold,normal" bkcolor="transparent" bkimage="" border="none,4," type=3 line=1 align=center use=ex num="0,black""] من دون (تريم) ونور الصبح لي حادي=نويت اسج القدم لو طالت دروبه
في وادي الفكر لاح البرق بالوادي=مزنه تزبر بوسطه ورتوي رطوبه
فاحت عناقيد غصن الشعر والكادي=وهبت نسايم عبير الزهر بعذوبه
واصدق مشاعر تخالج نفرة جيادي=لا حاشها بارق العز ومشت صوبه
يسوقها خافق ٍ صاير هو الزادي=سلوة من اللي جروحه حيل معطوبه
ياكم تعشي سمان الفكر بمرادي=وياكم طرح من طيور ٍ جتك مغصوبه
كل ٍ يعشيه مخلابه لامن صادي=وكل ٍ حسب حجمه يفصل تري ثوبه
والهاجس اللي نطحني زاد رعادي=قمت اسكبه من مزون ٍ جتك مصبوبه
دام البشر من بعضها صارت تعادي=وش لك بعالم فحيح الداب غنووبه
خلك مع الله وحاذر تتبع الغادي=ورى هوى النفس والاعمال محسوبه
خلك رضى والدين وحذره تنادي=للفتنه اللي تجي احيان مصحوبه
مصحوبة ٍ بالشرور وكل الاحقادي=اللي تفرق مابين الرجل ومحبوبه
هذي تجارب وصارت وقت الاجدادي=واليوم حال البشر ياخوك اعجوبه
بديتها والطفش مثنى مع افرادي=وانهيتها والطفش ماراح مندوبه[/poem]

رد: من دون تريم .. .. !!
 

صح لسانك يا راعي مواجيب
نص رائع بمعنى الكلمة
لك تحياتي

رد: من دون تريم .. .. !!
 

صح لسانك
قصيدة جزلة
ومعاني راقية
لاعدمنا هذا التواجد والتواصل شاعرنا
تحياتي وتقديري لك

رد: من دون تريم .. .. !!
 

وكل ٍ حسب حجمه يفصل تري ثوبـه
والهاجس اللي نطحنـي زاد رعـادي
قمت اسكبه من مزون ٍ جتك مصبوبه
دام البشر من بعضها صارت تعـادي
وش لك بعالم فحيح الـداب غنووبـه
خلك مع الله وحـاذر تتبـع الغـادي

صح لسآنك راعي مواجيب
وعسآك على القوة
ولا تحرمنا من مداد قلمك وقصائدك الشجيه
تقديري لك