لقد تغيرت شروط التسجيل في المنتدى ....
وتم تغيير مسمى المنتدى لتواكب مرحلة ما بعد الحرب الباردة
اعرفوا الشروط زين .... وافهموها....
واللي ما يبي هالشروط جعل اصابعه اللي طقت على الكيبورد الكسر...
ولو ما عليه كلافه يطق راسه بأقرب جدار.... حنا ما نلعب ....
واللي يبينا حياه الله بيننا....
فهمتوا...
بما أن هذا الموقع موقعي بروحي لا بارك الله فيكم وفي الساعة اللي فتحت لكم هالموقع....
فاللي يبي يسجل معنا يوافق على الشروط من ورى خشمه ....
والشروط هي ...
1- اللي يسب اي واحد من الاعضاء بنجيه وبنربط حواجبه في صدامات الهايلكوس
وبنروح ونطعس فيه بأقرب طعس ...
قايلكم حنا ما نلعب ...
2- اللي بيخربط بالدين ولا بالسياسه....هذا عذابه عذاب. بخليه يتخيل انه قرد ولا عمره ذاق موز....
وابحجز له على اقرب رحله على طياره ترش الجراد وابرقي فيه على ارتفاع 50000 ألف قدم
وبرضخ به على خوص نخله...علشان ما يعود لها.....
قايلكم حنا ما نلعب ...
3- أنتم أعضاء لكم تكتبون بس.... ولا أحد فيكم يسوي لي فيه مراقب مانبي مراقبين....
فهمتوا ولا أفهمكم ...
4 - اللي بيسجل باسماء قبايل وعوايل...ولا مخله بالأدب....
هذا بنوديه لا اقرب شيخ وبنكويه من علبااااه ...
وبعدين بناخذه لأقرب بئر... وبنغطسه وبنطلعه ...
ونغطسه ونطلعه الين ما يقول ....
أشهد أن الددسن سياره ...
قايلكم حنا ما نلعب ...
5 - قريتوا الشروط ........ هاه عجبتكم .... فهمتوها...
طيب ما عندنا تسجيل هالايام....واللي يبي يسجل معنا يرسل لي ايميل
على التلفون حقي اللي ماني ذاكره لكم ... لأن الدعوه عناد ...
واللي براسه حب ما انطحن .... تراي ابطحنه له ....
واذا فيه خير يقابلني وين ما يبي ....
ملاحظة ......
اللي بنكتشف أنه رجال مشورب ويكتب بأسماء بنات...
ولا بنات تكتب بأسماء رجاليه هذولي بنخلي خششهم كلمات متقاطعه
يصعب حلها..... والله ما يضرب بعصا يا سرع طيحتهم
موافق .................
غير موافق...............
واللي فيه خير يكتب غير موافق.......
ههههههههههههههههههههههه ههههههههههه هههه
يا هيك التسجيل يا أما بلاه
عصبي فتح منتدى
العرض العادي
