حكم

يقول من عدّى على طويل & ضلع ٍ رقيته والهوى عليل
برّقت بالدنيا .......وناسها & لقيتها تمشي ....... بلا دليل

الله يكافينا....... شرورها & بقعه ومن يعنا لها .... هبيل
بقعه تقود الناس ...... للفنا & تقد جيب ولا تظب شليل

بقعه يبث السم ..... نابها & تعطي عسل في كاس حنظليل
ضحّاكة ٍ صفرا سنونها & والآدمي فيها يمر...... سبيل

تطحن مثل ما تطحن الرحا &خوانة ٍ غدارة ٍ ...... تعيل
أمسكّ يا راسي ولحيتي & شيّبت واشوف الوقار جميل

شيب الفتى بوّل مشبّته & يشيل من جور الزمان ثقيل
الشيب يهل الشيب تجربه & والشيب من قهر الليال فضيل

لا شكّ وقتي ما يودّني & والوقت هذا ما عليه كفيل
والشعر والقيفان جبتها & وكتبت من بدع الكلام جزيل

أمشي بحكم الله وحكمتي & والعرف مع علم الغيوب هزيل
وانا الذي نفسي .. قضبتها & عن الزلل من خوف لا تميل

من قال انا معصوم قد كذب & ومن قال انا ذل الرجال ذليل
ومن قال ما هاب شلفتي & يجيه خطّاف السيوف صقيل

ومن زوّد الشرهات ربما & تجيه غرّى ما لها مثيل
ولا تصنع المعروف بالردي & تلقاه جاحد ناكر الجميل

ولا تطلب الرجال حاجته & وان كلت كيلك إجزله و كيل
واطلب من الله يقسم العوض & وان جاك رزقك لا تقول قليل

يقطعّك يا حاجه تحدني & لا صارت الحاجه بيد بخيل
خل الامل بالله واطلبه & في ساعة ٍ فيها الدموع تهيل

ولا تزرع الصبخا وخلها & زرع الصباخي ما يجيب حصيل
و دوّر على ربع ٍ تودهم & وعن مقعد الحقران لك بديل

عليك بمصاحب إولي النهى & اللي يفتلوّن الرمل...... فتيل
ولاتصاحب الانذال والفلس & مثل الدوى ما ينفع القتيل

خلك على روس الحزوم عزوم & احصان بالجوله وله صهيل
أطرد سمين الصيد يا فتى & ولاتصير في كل الامور هزيل

اتعب على العليا ونولها & ومن عاش بالحيله يموت عليل
خلك كبير ٍ في جماعتك & مزبان للحمل الثقيل تشيل

واللي يخون النفس جنبّه & ولا تطرد المقفي لو انه جليل
الاجواد مثل الغيم والمطر& والانذال لا غيث ٍ ولا مخيل

الاجواد اهل الشور والحكم & والانذال لا صمل ٍ ولا صميل
الاجواد مثل الحيد والعلم & والانذال مافيهم شفات غليل

خلك حصان ٍ يالصميدعي & شهم ٍ كريم ٍ طيّب ٍ أصيل
خلك حذر لا تامن العدى & وحط َ لك في كل دار عميل

ولاتشاني الاقراب واصطبرّ & صبرك على عوجاتهم جميل
ما كل واطي يامن الوطى & ولا كل من راد البلاد دليل

ولا كل مسرى يوصل السرّا & ولا كل نجم ٍ فالسما سُهيل
ولا كل عاشق يرشف العسل & ولا كل جادل نقّضت جديل

ويالله انا طالبك فستجب & لي دعوة ٍ يوم الدموع تسيل
إنك توفقني إلى ..... الهدى & ويا رب للذنب الكبير تشيل

صفحك علي أكبر من الخطا & قابض حبالك مذنب ٍ دخيل
يالله ترحمني....... وتسترن & وتظلني في يوم لا ظليل

في يوم فيه الخلق تجتمع & والشمس مدناها بقدر ميل
يوم ٍ عبوس ٍ ما به الذرّى & ما ينفعن ظلّ ٍ ولا صميل

الانسان مهما عاش للفنا & والعمر فيّ ٍ والسنين مقيل
الايام رحله تجلب العنا & درب ٍ طويل ويقتفيه رحيل

للموت سكره تقهر البشر & كل ابنُ أنثى فالقبر نزيل
القبر صندوق ٍ ل هالعمل & أما جحيم ٍ أو كسلسبيل

يا رب لطفك ساعة الدفن & وحيد في قبري بلا خليل
واختامها صلّوا على النبي & اعداد ما هاض الحمام هديل

عناد الرواد

اللهم صلي وسلم وبارك على سيدنا محمد

صح لسانك يالحبيب

ابدعت وترونقت بما يخط قلمك

وبما ان سحابتك ارعدت وابرقت واستهلت وامطرت على منتدنا بثعول الأبداع

اتمنى منك ان تنسق قصائدك حتى تظهر برونق رائع ويسهل على الجميع قرأتها وتخلل معانيها

مثال للتنسيق[poem=font=",6,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
يقول من عدّى على طويل=ضلع ٍ رقيته والهوى عليل
برّقت بالدنيا .......وناسها=لقيتها تمشي ....... بلا دليل[/poem]

السموحه على قل التنسيق

لعدم المعرفه

لا هنت ع الحضور

صح لسانك اخوي

قصيده رائعة من شاعر اروع

تحيااتي

ما قصرتم

مروركم شرف لما كُتب

الوزن

الهلالي المجدوع (( القصير))