السلام عليكم
علطول بدون مقدمات ابضرب قلب الموضوع
التميلح...... التميلح ...... وشو التميلح
تعريف التميلح : هو مأخوذ من كثرة الملح والملح يسبب الأمراض من اهمها
الضغط والسكر والقلب
وكذلك امراض ليست عضوية وهي النصب والأحتيال
اجل ليش التميلح ؟؟ علشان نمرض انفسنا والناس
تلقى الواحد اسمه الشاعري او الحنون
وتلقاة بالحقيقة اللهم لا شماته وجهه كله حفر جدري ودب والسنون صفر من الشيشة وساكن بالغالة
ولا عاد السحالي لا تفرحون جايكم الدور
تلقى الوحدة مختارة اسم ياااااااااااااي نعومة ورقة وتكتب بلون وردي وتحطلك من هالقلوب والفراشات
وانت ياتمساح على بالك البنت ملاك
وهي اصلن لها كشة تقل ليفه نخل وكرشة والبراطم كنها براطم طقاقة
عاد تجي الناعمة تتميلح على الحنون وتقول :
انا ناعمة وبيضاء وشعري حرير وكلن يتمناني <<<<<ايه طيب
قال الحنون : انا رياضي ووسيم واشبه وائل كفوري <<<<< تراه شيب وائل والشباب يشبهون فيه
قال الحنون : هذا ايميلي
قالت الناعمة : احلى ايميل انا على 12 بالليل اكون معك ياقلبي
الحنون في لحظة يحظر جمييييييييييييع اللي بالماسنجر علشان الناعمه
طوط طططوطـ تسجيل دخول الناعمه
الناعمة : هاااااي
الحنون : هاااايااات
الحنون : كيفك ياقلبو
الناعمة : طيبة انت كيفك
الحنون : يوووووووووووه يجنن خطك <<<<<<< من زود النصب
الناعمة : ههههههههههههههاي <<<<< مخفه
الحنون : يالبى قلبك ياناس ياجعلني مانحرم هالضحكة يارب
الناعمة : تراني استحي بشويش << مصدقه نفسها
الحنون :انا احبببببببببببببببببببك مووووووووووووووووت
الناعمة :وانا اموووووت فيك
الحنون :هذا جوالي انتظرك بأي وقت << مااسرع
شفتوا وشلون حالهم والحب مايبي شي على طول يرحم ايام منول اذا قالوا الحب من اول نظره
الحين الحب من اول خط والكره يجي من اول نظره <<< بلا من الوجيه اللي تفتح النفس
عاد الناعمة دقت على الحنون
الناعمة :الوووه <<<<< وفيها انواع الرقة
الحنون :هلا هلا هلا بالصوت الي يرد الروح <<<< وهو انواع النعومة تحلفون انه شارب لينور
الناعمة :هلا بك <<<< وزادت شوي من الرقه
الحنون : والله توني جاي من المطار مودي الوالد يبي يسافر للتشيك سلوفاكيا <<<<<<< وتلقاة مودي ابوة لمستشفى الشميسي
الناعمة : اوووووووه انا قد سافرت للتشيك مره حلوه <<<< وهي والله ماتدري وشي
الحنون : على فكره ياقلبي وش اسمك انا اسمي سلطان <<<< ولا عندهم الا سلطان او خالد
الناعمة : اسمي اشواق <<<<< ياعيني وتلقا اسمه مزنه او عمشاء
الحنون : انا الحين جالس بالبلكونه حقت غرفتي وتطل على المسبح <<<<<< وتلقاة ببيت شعبي
ودريشتة مابه شبك و المسبح مياه المجاري اكرمكم الله
الناعمة : وشي سيارتك << ام الورطه هع هع هع هع
الحنون: سيارتي بانوراما رقم اللوحة أ ح ب 666 وماعجبتني <<<<<< وتلقاة دتسن غمارة موديل 82 وكل
اشارة تطفا واذا قام الصبح يلقى الكفر منسم هع هع هع
والقزازة تحلف انها مظللة من التفال وغيره<<< يعععععع
الناعمة : واااااااااااو ياقلبي انت جنتل مان <<< امحق جنتل
مسكين الحنون يروح للعليا يدور حول المملكة والفيصلية ويجي ويطبق التميلح على هالمسكينة
عايشين حياتهم كذا ولا اذا جت المقابله بأحد هالمجمعات
تلقى الحنون مكشخ والشماغ واقف من النشاء والثوب يلق
واذا رفعه تناظر سرواله تلقاه اصفر له شهرين ماغسله
ولا الناعمة تشوف الطرحة والعيون والكحل والعطر
واذا كشفت الحمد لله والشكر السرلانكية املح منه
وهذا حالهم مع التميلح كلن ينصب على الثاني
لعيون المتميلح نديم الشمال
العرض العادي
