لا بارك الله بالشاورما

بصراحة جايب لكم موضوع طريييف وخفيف .. وعساه يجووووز لكم ..

هذا واحد كتب الله له الخطبه ... وحط عينه على بنت الحلال ..
اللي تجووز.. وتسره.. وكلم اهله .. وشاور هم .. وافقوا له ..

وبدت عصافير قلبه تغرد ... وصورة العرس في باله ..

ومنظره وهو لابس البشت والعالم تسلم عليه .. ما يفاااارق خياله ..

وزادت فرحته .. وسروره يوم درى ان اهل البنت وافقوا ..

طاااااااااار من الفرحة .. وصار ما ينطال راااااسه ..

حددوا يوم لجيته ...علشان يتعرف على اهله ..

ويشوف البنت .. شوفه الخطبة .. شرع الله ..

وجاء اليوووووم .. اللي طال من انتظره خوينا ..

واستعد له خوينا باحسن لبسه ...وتطيب بالطيب ..

واتكل على الله وراااااح ..

وهو بالطرييييق .. بدا يطنه يقرقر ..

جوعاااااااااااان وله مده ما اكل شئ ...

مر محل شاورما ... واخذه له وحده على الطاااير

بدون ثووووم .. طبعا ..

اخذه سفري وبده ياكله بالطريييق علشان ما يتاخر ..

ويوم وصل عند الباب .. باب اهل البنت ..

ووقف السياااارة.. وقفله بعد ..

وجاء يبي يرمي قرطاااااسة .. الشاورما ...

الرجاااال من الخبه .. رمى المفتااااااااح


مفتاح السياااارة

الرجال ضااااعت علوووومه ..

وش يسوي وشلون يبي يفتح السيارة!

اجل الموضوع لبعد الشوفه ودخله البيت ...

دخل وسلم ..وشافه وشاف اهله .. وتعرف عليهم ..

وما عنده خلااااااااف

بس يوم جاء يطلع !! ضاعت علوووووووووومه

بدا يفكر بالموضوع ...

وشلون يبي يفتح سيارته ؟

وشلون يبي يتخلص من الموقف..؟

صعبه يصارح اخوانه بالموضوع .. ويقول اني رميت المفتاح ..

يخاااف يشرهون عليه ويقولون وش هالغشيم..

المهم طلع للشارع ...

إلتفت يمين يسار ...الشارع ما به احد

استغل الموقف .. فصخ الشماغ..

وربط ثوبه ...

وطب .. بالزباااه الكبيرة ... تكرمون ...

وبدا يدور على المفتاااااااااااح ...بين القمايم ..

والحمد لله لقاااه


وجـــــــــاء يبي يطلع ...

وعلى طلعته ...

واذا بخاااله .. ابو البنت ..(( الشاااايب )).. وولده .. الاخو الكبير ...

ينااااظرووووون ابو نسب ... وهو طـالــع من الزبااااااله !!


عز الله رااااااااااااحت البنت

ابي رأيكم بالموقف ..؟

وبكل صراحة ..

تحياتي ..للجميع