طريقة سهلة وبسيطة لنشر اي موقع على محركات البحث
السلام عليكم ورحمة الله وبركاتة
ازيكم حبيت اشارك بموضوع كتير من اصحاب المواقع او المشرفين والاعضاء بيغفلو عنه
مش هتكلم فحجات فنية
بس هلقي الضوؤ عليها برضو
كلنا طبعا بنزل توبكات (مواضيع) وبنحاول نلفت نظر او اهتمام الاعضاء بالعنوانين زي مثلا الحقوووووووووووو او حصرررررررريا او مثلا عااااااجل
للاسف كل العنواوين دي بتاخد زيرو عند محركات البحث صفر عالشمال
لان محر كات البحث مش غبية طيب ايه احسن طريقة عشان تكسب محركات البحث
محركات البحث بتقراء بالطريقة السليمة ولازم يكون العنوان مختصر جدا وبيدل على محتوى الموضوع مثلا:
عايز تنزل موضوع لبرنامج حماية او برنامج فوتوشوب
دايما افتكر الناس هتكتب ايه على جوجل ؟ اكيد مش هيكتبو عاااااااااجل او حصررررررري
فلازم تبتدي عنوان الموضوع بالشكل ده :
برنامج الحماية انتي فيروس 2010
اخر اصدار من برنامج الفوتشوب 2010
ومفيش مشكلة لو اضفت كلمة حصري بعد كدا
برنامج الحماية انتي فيروس 2010 حصري
************************************************************
كدا فهمنا ازاي نكتب عنواين المواضيع
نيجي للمحتوى بقى :
عدو محركات البحث ((( الصور ))) لانها مش بتقرا الصور خالص
وللاسف بنلاقي ناس كتيرة بتسبق اي موضوع بانها تحط الصور الاول وده اكبر غلط
الاول نكتب نبذة مختصرة عن الموضوع او حتى كل الموضوع وبعد كدا نحط الصور
تاني حاجه حجم الخط !!!!! دايما خير الامور الوسط
لاننا دايما بنلاقي جنب اي موقع كلمة نسخة مخبأة ولو روحنا ليها هنلاقي الجملة دي لقد تم اخذ هذه اللقطة بتاريخ كدا
لو كان الخط كبير زيادة عن المعقول هنلاقي الحكاية مشوهه خالص
********************************************************
الامور الفنية بقى
من واجبات صاحب اي موقع انه يهتم بالروابط الداخلية ويتاكد من كل السكربتات صحيحة
العنوانين الفلاشية خطاء وللاسف زي الي موجوده فوق بالمنتدى هنا تعتبر فلاشية ومش بتتقري بسهولة لمحركات البحث .
والاهم تركيب اخر اصدار من برنامج VBSEO مش مكلف وده بيعلم كل محركات البحث كل ثانية بكل موضوع جديد
الارشفة الصح للموقع
وان شاء الله اكون افدت باي حاجه
وسوري لو طولت عليكم
تحياتي
gomana
هام ! ازاي تنشر موقعك على محركات البحث
العرض العادي
