قوكو يا قرابه
سلامتكو و اربعطعشر عافيه هاظ بيقولوا كلمة حيت بتقوم البل كلها
و انا امنتكو امانه هالرساله توصل للعمده حويط الثاني عشر لانه زلمه غانم و بيرضاش بالغلط و المصخره و الولدنه و غانم و حشم
و السولافه و انا قاعد في خربة اذرح بعد ما عشيت الجحشه و انتو بكرامه و قاعد بتسمع على المسجل و طربان مع ميحد حمد و اغنيته ( يالتكسي خذني معك يالتكسي ) اتذكرت مياس و تكسيته و اذا تذكرت تكسي مياس بدك تتوضا اعوذ بالله اشي بيرضيش وجه الله
و كمان تذكرت صاحبه الشايب العايب نديم الشوم الله يخرب بيته و هو مش ناقص خراب بيت .. عاد اذا اجا ذكر نديم كانك لمست الضيخ تبعنا و انتو بكرامه .. انا هظاك اليوم بدي انزل عالعقبه و رحت عموقف التكسيات و قلت بدي تكسي طلب عالعقبه قالوا في واحد قرابتك هناك اسمه مياس يا مسو البين الي يصمطه هالمصخم الا التكسي عامل عرض ازياء و اشي جنزات و اشي ميني جوب و اشي فيزون و قصير لا و الدخان عالتابلو مالبورو سعودي قلت يا بنيي في مطرح اركب معكو قال ولك انقلع يا ختيار يا مخرفن و هلي معه بس يتصهونن و يضحكن و صرت فرجه للمعانيه .. ما لكو بطوالها بدي العمده يلم زلمته نديم و لا زلمتنا فالت و حبله على رقبته و كمان يمنع عنه امدادات النفط و الدخان الي بيوصل له من نديم عن طريق عاشق الدله ابناخ الشوابكه الي تقول برميل مخلل لانه عندكو بالسعوديه الزلمة لو سوا اشي بيعلقوه فلقه لحاله و لا ابوه و لا اخوه .. لكن هان في قضاء عشائري و 3 من خشم 9 و خط و سمي و انا خايف يوصلنا مياس للقاضي محمد جدوع العودات و لا الموسي و هاتو بيضو بمصيحات الضحى و الله يستر من آخرها لا يذبحوه ويجيب لنا دم و تصير سامعه على الحويطات كلهم و باقي الحكي بينحكيش يا قرابه لانه يقمع الوجه .. اي سود الله وجه نديم و الي يدلدل راسه وراه و سلامتكو و اربعطعشر عافية و مثل ما قال المثل عدي رجالك عدي من الاقرع للمصدي
تكسي مياس آه من وجع الراس
رد: تكسي مياس آه من وجع الراس
العرض العادي
