الشبكة مسجلة لدى وزارة الثقافة و الاعلام
سأل احد الشباب في تويتر ماهي المزحه التي ندمت عليها ؟ الردود #مزحة_ندمت_عليها يوم جات سّيول جِدة رحت صحّيت عيال عمّي وقلت قامت القيامةة المهم واحد اغمى عليه والباقين جلسوا ساعتين وهم راكعين. #مزحة_ندمت_عليها وقت الغدا وقفت ورا الباب أبغى إذا جآت أختي امدّ رجلي المهم سمعت صوت ومديت رجلي مادريت إلا الرز يتناثر وامي منسدحه. #مزحة_ندمت_عليها اخوي نايم جيت أقومه رحت عند إذنه بصوت واطي وبترتيل وأقوله (وجاءت سكرة الموت بالحق) قام يصفق بالجدران وينتفض 4 ساعات =)) موقف طيح وجهي طالعة من المدرسه وشفت سيارة تشبه سيارة اخوي واركب واشوف صلعه واصفقها قلت : ايوووه يا صلعه !! متى حلقت ؟ هو يكح غلطانة اختي °_° موقف طيح وجهي كانت امي تصلي وطوّلت وهي ساجده قلت :يمه يمه ما ردت صرت ابكي واصارخ على بالي ماتت وهي تقوم تسطرني كف قالت غفيت وانا ساجده وجع =)) موقف طيح وجهي مره جت عمتي عندنا وكنت مسوّيه يعنني فاهمه وكبيرة أبي أقول "زارتنا البركه" قلت "زارتنا البقره" من يومها وهي ما تسلم علي أبد وحده تقول موقف طيح وجهي دخلت عالدكتور سولفنا شوي وأخذت أوراق الموعد الجاي وشكرته وأنا طالعه طفيت النور ومشيت واحد يقول كنت واقف بالمصعد و دخلت بنت ‘ ساكته بعدين قالت اشخبارك ؟ قلت الحمدلله !! طلعت تتكلم بجوالها المهم طلعت سبحتي وكملت الحمدلله الحمدلله الحمدلله الحمدلله الحمدلله .. كل من لديه موقف مشابهه او مزحه وندم عليها يمكن يضيفها الى فقرتنا هذه
اضحك الله سنك اختي كلك نظر
هههههههههه رهيبات يسلموووو كلك نظر
كلك نظر يسلموووووووووووووووو
ههههههههههههههههه واجده النهفات عند الشعب الاسباني تسلم اناملك
حنا نهار الكون بالحيل عطبين ~ نسقي العدو السم من كاس مليان نكزها عالموت بالعزم جسرين~ ونمنع لمن دور سماحه وغفران ! حنا مواقفنا مواقف سلاطين ~ نوفي ملازم فخرنا دون نقصان !!!
ههههههههه بعض المزح نكبات
شرفتم ونورتم زوار هذه الصفحة الله يجعل ايامكم غامرة بالابتسامات