تحدوووهـ البشــر و^^ الخطوبه ^^

السلام عليكم ورحمه الله وبركاته
ادري اشتوقتو لي ويا الله صفو سرى

من شان تسلمون علي

كلن في صفه <<<<

الي بيقوول الموضوع طووويل عنده للخلف <<< لكن بيفوتك الموضوع <<< واثق

يله شباااااااااااب وبنيااااااااااااااات عاد عطوني رايكم ..........

في يومن من المرات طنت في راسي فكرة الزواج فرحت على طول

وقلت لامي الله يرحم والديك الوالدين انك تزوجيني لاني مستعجل

وحاس اني في فترة الاحلام البنفسجيه وبقمة نشاطي العاطفي

قالت

امي وبكل ما تحمله من حنان وتشجيع لولدها ( انت كفو للزواج انت

وخشتك ) وفي وقتها ما ادري ليه حسيت ان واحد ضاربني بزبيربه

مقاسها 44 وصرت اغني اغنيه عبد الحليم ( وسرت امشي

وحيدا ً .... محطم الخطواتي .... تهزني انفاسي .... تخيفني

لفتاتي .... كهاربن ليس يدري من اين او اين يمشي )

وقلت لامي والله

لاروح اسكن عند خالتي ولاعاد تشوفوني ...

كان امي تتحسف وتهون وترحمني وتقول تعال خلاص ... بنزوجك

والشكوى على الله بس لازم نشاور ابوك . وصرت انا اناقز من الفرحه

واناظر جنبي والقى اخواني يناقزون زيي يحسبون الزواج جلابيات

تجيبها امي ... وانا اللي ازعق في وجيههم عما يالله انقلعو من

قدامي ... تعرفون لازم اسوي فيها شخصيه قدام امي عشان تقول ذا صار رجال

المهم جا بكرا وعرفت ان ابوي وافق اني اتزوج ... وقالت امي هالحين

ياوليدي تعال وش تبي مواصفات زوجتك عشان ندور لك

وانا اللي انقز لذيك المجله والقى وحده اسمها (حليمه بولند) واقول

لامي الله يرحم امن جابت ام امك ابي وحدها تشبهها

مير واشوف امي تدقق في الصوره ثم ناظرتني وقالت ............ اقول

مالت علي خشتك وانا اللي انشق نصفين ..

المهم قلت لامي لالالالالالالا والله ما ابي الا وحده تشبه لها هذا زواج

وبتصير في وجهي طول عمري ....

قالت حنا بندور ونشوف يالله ضف وجهك الحين عني ... قلت طيب

ورحت انتظر مواصفات شريكة حياتي المحظوظه فيني

وبعد اسبوعين من الانتظار المضني جت امي وقالت ترانا لقينا وحده

فيها بوهه من اللي انت فرحان فيها ... قلت وشوووووو قالت لقيناها

اقوول
وانا اللي اطامر من الفرحه ......

وقلت يمه متى بروح اخطب زوجتي قالت بكره ان الله احيانا

المهم جاء بكرا وقال ابوي يالله امش وراي انت واهلك بنروح يم الناس ونخطب بنتهم لك قلت اجل يالله يمه وخواتي دعونا ننطلق

ويوم وصلنا لبيت الناس وطقينا الباب طلع ولدهم الصغير اللي هو اخو

اللي بتصير زوجتي واللي هو بعد نسيبي

واشوف شكله ماش وملامحه من جنبها وقال خير وش عند

الشباب

وانا اللي التفت على امي واقول اهلن !!!!!!!!!!! والله اللي هذا اوله

ينعاف تاليه

قالت امي يعني انا ما اشوف والا انا كذابه يعني

المهم قلت يمكن كلام امي صح وهذا كانت امه متنسيه بلستك وان

وصيفة حليمه بولند وحبيبت قلبي ماخذه كل الزين من اخوانها

والله وندخل عند انسابنا ... الرجال راحو لمجلس الرجال والحريم

لمجلس الحريم <==اكيد ابوك يا التوصيف

ودخل علينا ابو العروس !!!!!!!!!!!!!

وقال : الحين انت اللي بتاخذ بنتي ... قلت : لا ... ومن قال هالكلام

بصراحه شكله يروع وخفت انه يتوطى في بطني

المهم وبعد ما جلس زعق على ولده الصغير وقال له رح ناد اختك خل

الرجال يشوفها

وانا اللي تطقني ام الركب واقول : امسك اعصابك يا ^^بندر^^امسك

اعصابك يا ^^بندر^^... خلهم يعرفون انك واثق من نفسك وانا اللي [اوزع

ابتسامات تدل على ان الوضع فري وشباب طالعين في رحله

وفي اثناء محاوراتي مع نفسي الحبيبه

دخلت فتاة احلامي !!!!!!!!!!!!!!!!!!!!!!!!!!!!!!!!!!!!

ووش اشووووووووووووووووف ااااااااااااااااااااااااه يااااااااااربي

لييييييييييييييييييييييييييييييييييييييييه يا ربي

لالالالالالالالالالالالا ماهوب صدق اللي انا اشوفه ......

حسبي الله على ابليس........ لها الدرجه تبون ترموني في احضان

البشاعه والقباحه

تزوجيني يمه وحده انا احلى منها <===لاحضو واثق

هاذي لو اتزوجها جبنا ضفادع

بس انا مستحيل ارتكب جريمه في حق عيالي ....... لان من حقهم

علي تحسين النسل ....

وانا اللي اطلع وانحاش ......

وينحاش معي امل الزواج ............................

بس ابشركم ..... تم الزواج ولله الحمد ....

بس عاد تبون الجد والا ولد عمه ................ ما تلاحظون ان كل من

بغى يعرس قال ابي وحده تشبه فلانه والا الفنانه الفلانيه والا الممثله

الفلانيه ...

صح انهم زيوووووووووووووون ويقطعوووووووون القلب

بس ترى الزين كله عندنا هنا ... الله يخلينا..... وبناتنا دانات في وسط

محارات

<===ابوك يا المدح

ماهم مكشوفين للعالم


تحياتي لكم ,, من خيال افكاري ,,