بدي فزعه منكو يا نشاما

قوكو و العوافي يا نشاما
هاي رساله مني لنديم الشمال و لايهانو النشاما. وانا زلمه ختيار و إجر بالدنيا و إجر بالقبر .وكم مرة اقدم على فيزة عمره و ما بيحصل نصيب وكمان بدها الشي الفلاني وكمان هالسنه تصخمت والغنمات لعنت ابو جدفهم الجدره و الركاع و ابو زنيط . البين يصمطني على حظي شو حفايه
ومالكو بطوالها انا سمعت انو الزلمه هاظ نديم زلمة غانم و حشم و عنده على كفالته سايق خاص عقباوي و انا اقرب و ابدا و بديش يمزط عني و يحكي ما عندي . بدي يجيبني على كفالة المرة المعلمة الجديدة و لا على كفالة القديمة و كلكو نظر يا قرابة . و انا شوفير قديم و مترمج من البادية و عندي رخصة سواقة 3 محاور .وانا ما بدّيتو عليكو الا بالخير انشالله . بس الزلمة مواليد اذرح و حكولي اخوانه بالرضاعة عنا سكان اذرح و عشان هيك انا بعتت هالرساله
و بديش مياس هسه يزعل و يحكي يا حجي يا حجي كلنا قرايب و اهل هون و بالسعودية
و الله يخلف على الي بيوصل هالرساله
و الله لا يبيض وجه نديم الشمال اذا ما فزع لي و الله لاغز له سودة في راس النقب و ملاقى الايتام
و سلامتكو و اربعطعشر عافية