انـت حـايـم وانـا بـالـقـاع دوبـي اسـيــر(لعشاق الصقور)

[ALIGN=CENTER][TABLE1="width:80%;background-color:black;"][CELL="filter:;"][ALIGN=center]
[/ALIGN][/CELL][/TABLE1][/ALIGN][ALIGN=CENTER][TABLE1="width:80%;background-color:black;"][CELL="filter:;"][ALIGN=center]




ياطير ياللي زاهي ٍ بابيض الريـش
....................الوسم حـل وزابـر المـزن بـراق
جعله على قفر ٍ دعوبـه معاطيـش
....................يروي ضماه ويلبسه خضـر الأوراق
تاخذ مزون الوسم فوقـه مراهيـش
....................في ليل وقبل الشمس تاخذ با الافهاق
حيثـه مداهـل لابـدات ٍ مناحيـش
....................برق الطوارف لاعتلى الحـر دراق
نبـي نجهزلـه وربعـي مطاريـش
....................فوق الجيـوب محملـه كـل مـالاق
برفقة حرار معطبـات المخاريـش
....................لافر عن كل ٍ علـى الفـال ينسـاق
نبي على الحـروه نـدور تفاتيـش
....................للحـر طلـع وللأثرعيـن عشـاق
ياما حلا لاتل سبقـه مـن الطيـش
....................شافه طيـار ومنوتـه بـس لحـاق
ابو كفـوف ٍ راهيـات ٍ محاريـش
....................افحج قصير اكراع للخـرب عـواق
راهي مجس كنه معرا مـن الريـش
....................شيخ ٍ رمى با الكـون درع ٍ ودراق
ابيض نحر والمتن يزهى برواتيـش
....................اخضاب رعبوب ٍ على الكف دقـاق
غاية طرب لاخالف الخرب في هيش
....................اليـا نثـر دم المعاليـق تـريـاق
وان كابرت با القاع ريشه منافيـش
....................حول على متنه كمـا النجـم فـراق
كنه وليد ٍ لك على الخيل في جيـش
....................لاصوتولـه يـوم يبسـات الاريـاق
وان شلعت صرنا بدربـه مرابيـش
....................ناطى الحصى والحيد ونسند له طراق
يامـى تعرضنـا دروب ٍ محافيـش
....................لافرع القرنـاس والشمـس بشـراق
ويا ما على الهده غدينـا مهاويـش
....................كل ٍ يقول افـلان عنـدك للاطـلاق
وتال النهار من التعـب بالمغابيـش
....................لدلال رسلان بهـا الكيـف قـدراق
تراكضو للطيـب ربـع ٍ محاويـش
....................كل ٍ على خدمة ربوعه بـا لاشفـاق
وسوالف ٍ عن غايب الناس مانيـش
....................وفنجال بن ٍ يطرب الراس لا نسـاق
هذي حلات الصيد وغيره بتطنيـش
....................للي هوا طـرد الحبـاري ومشتـاق
ياللي رجيت الطير يكمل به الريـش
....................الوسم حـل وزابـر المـزن بـراق




[ALIGN=CENTER][TABLE1="width:95%;"][CELL="filter:;"][ALIGN=center]
دمت بود صاحبة السموووو
[/ALIGN][/CELL][/TABLE1][/ALIGN]
[/ALIGN][/CELL][/TABLE1][/ALIGN]