يا هواجيس الرثاء والشعر وبـيـوت القصيده
______________خاطري ماهو بـزين وحارب العـيـن المنامي
الـحـدث مـتـجاوز الآفـاق لـلارض الـبـعـيـده
______________ضاقت صدور الشعوب اللي يحبون السلامي
من رحيل اعظم زعيم ومن وفاة اكبر فـقـيده
______________الخساره فـادحه فـي ميـتـت الشهم العصامي
ذا حبـيـب الشعب ابومـتـعب وعبدالله وسيـده
______________كـيـف ما نـفـقـد بطلـنـا يـا لعـلـه لـلـرحـامـي
الـفــقـد اطـيـب من الـدم الـنقي داخل وريـده
______________له معـزه بالـنـفـوس وموقـع وقـدر ومـقـامي
يـحمل خصال الرجال اللي سجاياهم حميـده
______________له مـواقف نادره تـرفعـه عـن بعض الانـامي
الخصال اللي حـبـاها الله لـه ما هي زهـيــده
______________جيت ابحصيها وحال الكم من دون الكلامي
ميـر ابـذكر بـعـضها والكل يـعـرفـها عـديـده
______________فيـه عـدل وفـيه وصدق ومن بعدين المرامي
فيه جود وفيه عرف ويـمـلك الارياء السديده
______________فـيـه خيـر وفـيـه شيـمه حـر ويعـز الحشامي
فـيه نـخـوه فـيـه قـوة بـاس وافـكاره رشـيـده
______________به شجاعه به مروءه به وفاء وفيه احترامي
يـآقف بـجنب الـضعيف يسانده وايـديه بـيـده
______________يـنصف المظلوم والمجتاج لا جاء له شمامي
كم وكم معسر فـزع له كم سجيـن ٍ فـك قيـده
______________كم بيـوت ٍ رجع الها النور مـن بعد الظلامي
طـور الـدوله بـحـنـكة حـاكم افـكاره جـديـده
______________كرس اجهوده ليما اجتـاحت الصف الامامي
لـه مآثـر وانـجـزات بـداخل الـدولـه فــريـده
______________بـالحرم والطرق والـتعلـيـم وبضبط النظامي
لـه جهـود ٍ خـارجـيـه له خـطـوات ٍ مـفـيـده
______________وطـد علاقــتــنـا والـغـرب قــلـده الـوسامـي
كافح الارهاب حسب الشرع نهجه والعقـيده
______________بعد ما وضح لهم درب الحلال من الحرامي
قام بالاصلاح واوفي مع الحالات المستفيـده
______________حارب اللي ظل واللي زل واخطأ ما استقامي
لا اعـتراض وربـنا الخلاق يفـعـل ما يـريـده
______________مات ابـومتعب ويـبـقى حي بـقـلوب الكرامي
يـرحمه رب ٍ خلق خـلقـه وحنـا مـن عبـيـده
______________نـزله في عالي الفردوس يـا محيـي العظامي
والامانـه بـعـد ابـومـتعب تـحـملهـا عـضيـده
______________استـلمها مـن على اسمه سمي الحر الـقطامي
اصبـحت بـيـد الملك سلمان وفـعـوله مجـيـده
______________الفعول اللي تشرف من قبل خمسيـن عـامي
وولي عهده مـقـرن و بالخيـر يـاربي تـزيده
______________منصب ويستاهل ونـلـقـاه في وقـت الزحامي
وولي ولي العهدابـن نايف ويـا نعم الولـيـده
______________ولـد من صيـته ينومس لا ذكر بين الاسامي
وللـملك ولأوليـاء عهده ولاء ماهي قـصيـده
______________بـيعه وطاعه وحـنا لـلـوطـن درع وحـزامي
رحيل ابومتعب .
العرض الشجري