خدمة جديدة يطلقها حويط الثاني عشر

انتظروني غدا او بعد غد او بعد بعد بعد بعد بعد غد

العمدة حويط الثاني عشر شخصيا









يا شين لقافة الشيبان
جاكم ابو عبد الله مدرعم و لحقه ابو عمر
يالربع اصبروا شوي خلوني ارتب لكم الميضوع
و انا عارف انكم من اللقافة ميتين ودكم تعرفوا وش السالفة
تطمنوا الموضوع خدمة خاصة للشياب ( مسيار - مسفار - مكشات )
بس العرض للشيبان الفل اوبشن
يعني الشيبان المهرقلين لا يجونا ثم يفشلونا و يفشلوا حالهم .
المهم قبل ايام طحت لي في مطوع راعي ذمة و امانة في الرياض و يخاف الله . ووده يستر الحريم الي ما هن متزوجات و بشرني الله يجزاه خير ان سوق الشيبان ماشي و مطلوب بقوة . خاصة شيبان الشمال بس اهم شي لا يجينا احد منكم الا مميل عقاله و لابس فروة و جزمة ام رباط و ثوب كبك .
و تراني لقيت لكم الوف الحريم مقدمات معاريض عند مطوعنا .
شي دكتورات جامعة و شي طبيبات و شي معلمات و شي ممرضات و شي راعيات معزة و بهم و شي رجلات اعمال -
الخير واجد يا رجاجيل بس نبغى منكم الصملة و العزم .
عاد هذا الي عندي و انا عارف ان نصكم محاكم حريم و بتنحاشون
و هذا انا احاول ادفدفكم يمين يسار لعل و عسى .
لكن الظاهر اني انا و ابو عمر الي بندرعم يم نجد و الي عقد روس الحبال يحلها .
العرض شتوي و لفترة محدودة
لا تنسوا العرض للشيبان فقط
الشباب يقلبوا وجوهم لان امورهم ماشية و لا عليهم خلاف .
خلوا الشياب يلحقوا هواهم في اخر اعمارهم و عن اللقافة

بعدين من المحترم هنا الي حاطط لي تحت اسمي عضو مميز و شايل كلمة عمدة الشبكة عني ؟
الله لا يهينه يرجعها و قد اعذر من انذر و ترى اذا ما رجعتوها بتصير علوم و سوالف - يا ويلك يالشهاب مني

حويط الثاني عشر شخصيا





هذا انا رجعت بالسالفة