افا بس يا نديم الشمال ضاعت علومك من يوم انشغلت عنك
توقعت و انا اخوك تجي قصيدتك عكس هالكلام
عموما خذ عندك
كتبـت فيـك الشـعـر يمـكـن تحسـيـن
بـس الشعـر يـا بنـت ويـنـك وويـنـه
واليـوم مانـي لاعــن حـظـي الشـيـن
ولانــي بقـايـل قـلـبـي الله يعـيـنـه
باقـول جعلـك فـي صــدودك تمـاديـن
لانـك رخصتـي عقـب منـتـي ثميـنـه
ولانـي عطيتـك فــوق مــا تستحقـيـن
لا بـد اصـون القـلـب عــن عاذليـنـه
مرهف وعـنــدي للمـحـبـه قـوانـيــن
لا ينـاسـبـك قـلـبـي ولا تناسبـيـنـه
روحـي وانــا بــروح لا بــد تلقـيـن
شـخـص مـثـل طبـعـك ولا تتركيـنـه
ولـي ابتعدنـا عـن بـعـض لا تظنـيـن
انـي عـلـى فـرقـاك نفـسـي حزيـنـه
بالعكـس انـا ودي فرقـاك مــن الحـيـن
لــن الجـفـااا حـقــك وتستاهلـيـنـه
شفـتـي وفــا قلـبـي ولازم تشـوفـيـن
وشـلـون قلـبـي يحـتـقـر خاذلـيـنـه
مـن باعـنـي لا بــد اوريـلـه الشـيـن
واقطـع حبـالـه لــو حبـالـه متيـنـه
خـلاص فـي نفسـي ولا عــاد تسـويـن
ولا عـاد لـك فـي القلـب غيـر الضغينـه
حتـى لـو انـي قلـت لـك شيخـه الزيـن
تـاكـدي فــي عيـنـي الـيـوم شيـنـه
وباختصـرهـا جمـلـه بـيـن قوسـيـن
( عشـق علـى غيـر كـرامـه غبيـنـه )
عيـب علـى الـرجـال طــرد المقفـيـن
وعيـب علـى الـرجـال بـنـت تهيـنـه
واخــر كـلامـي لازم انــك تعرفـيـن
انـي كرهـت العشـق والعـن سنينـه
العرض المتطور
