السلام عليكم ورحمة الله وبركاته ,,
ياصباح / ومساء الخير والنور عليكم جميعا ,,
واهلين وسهلين
((انتقل الى رحمة الله يووووووووووه ))
اووه لا اسف الدعوه زوااج وين رحت اناااا هههههههههههههههآآآآي
هذي بداية الحلم ,,
كان كل طمووحه كرت افراح ,,
وهذي اول صور للمعرس الجديد ,, شوفو ماشاء الله على الكشخه ولا احلى من زود الكشخه لابس نظارات شمسيه في الفندق مسكين الشايب الظاهر فيه المرض اللى يسمونه عدو الشمس ,, عسى الله يعافيه ويعافينا ياااارب ,,
وهذي المرايه مسببه له رعب الضعيف كل ماتحرك وشاف وجه في المرايا يخاااااف قسم بالله هذا على كلامه
يقول ياخي المرايا هذي تخوفني احس ان رجال جاي <<< لاحظو معي كلمة رجاااال ههههههههههههههههه ,,
المهم انه بعد سالفه طويله عند الحلاق وشيل وحط في الشايب من صنفره لتقشيره بشره لحمام مغربي
طلعنا بالنتيجه هذي والحمد الله ابشركم الحلاق قفل بعدهااااا لمدة شهر وهذا لغرض التجديد ,, واصابة بعض العماله من امراض الشايب ,,
المهم رحنا خطبنا له وفي مقدمتنا العمده حويط الثاني عشر شخصيا ,, والحمد الله تمت العمليه بنجاح ,,
وطبعا طول الجلسه والشايب راجني واشغلني يقول متى بشوووفها ومتى بشوفهااااا ,, لين جاء موعد الشوفه ,,
ونط الشايب وهو يقول (( وقولو بسم لله على غزال نط قولو بسم الله )) مادري وين الغزال بس كانت حركه
قوويه اللى سواهااا ,, هل هوو من الحماس ولا الرومنسيه الزايده فيه الله اعلم ,, بس اللى اذكره كان لابس النظاره الشمسيه للحين ,,
مالكم في الطويله طلع الشايب من عندها وهو متمزززززع ونااسه وحال نفسه يقول الارض مو شايلته ,,
وطلعنا من عند الجماعه ,, وقلنا خلينا نبي نتعشى ونحتفل بالمناسبه هذي ,, قال لا مابي رجعوني الفندق بسرررررررعه ,, يهديك يرضيك خلينا ننبسط شوي قال لا لا ابي الفندق ,, استغربنا وش فيه هذا الشايب ملزم على الرجعه ,,
وصلنا وننتظر المصعد يجي طول ولا جاء ومن الحماس الشايب طلع مع الدرج لين الدور السااااادس ,, وماشاء الله عليه تقوووول (( فرس )) اووه اقصد حصاااان ,,
المهم دخلنا الغرفه والا الشايب قاعد على الكنبه ومتحضن الاب توووب ....؟؟؟؟؟ وش السالفه انت الحين مرجعنااا عشان تبي تقعد على النت ؟؟؟
طلع خوينا في الله معطيهااا الايميل وقال يله نكمل الشووفه في الماسن والكام ؟؟
ولا زال لابس النظاااره
والساعه الحين تقريبا 11 بالليل ؟؟
بس ملاحظين الجلسه انتم ؟؟؟ شووف رجله تقول زاويه قائمه ماشاء الله عليه مو منه من الدرج اللى طلعه ههههههههههههههههه
وقعد حوالي الساعه على هذي الحاله كام وبنت الناس تتمقل فيه مسكينه تحاول تقنع نفسهااااااا بس ماااااش ماينبلع والله ,,
المهم وعلى الفجر الا حال الشايب انقلب وحالته حااااله والهم رااكبه وحزين ,, وش فيك عسا ماشرررر
شوي الا مانشوفه فاتح الشباك ويبي ينتحر اللى مايخاف ربه .. بس ربك ستر وفي اخر لحظه العمده حويط مسكه مع اذاانه قبل لا يطيح ,,
وش فيك قال خلاص البنت ماعاد تبيني ,, حنا عارفين من اول بس ماحبينا نصدمه قلنا نعطيه فرصه يمكن البنت تغير رايهااااا وتشوف شي فيه ماشفنااااا بس الوكاااد انه مرررره ولا شي في صالح للاستخدام ههههههههههههههههه
الحين انتم عرفتوو وش سبب مرضه والوعكه الصحيه اللى جاته ؟؟؟؟ هذا السبب ,, ومع هذا كله والنظاره الشمسيه في عيووونه ,,
وبعدها قال ابي اطلع البررر اشم هواء ,, اللى يشوف جسمه يقول محتاج هواء ,, هذا مثل السمكه له خياشيم
مايحتااج يتنفس اصلا ,, صرفيه على الفاضي ,,
وطلعت فيه البرررر وطول الطريق وهو ساكت لين وصلنااا وقال ابي اولع النار ,, وسمعا وطاعه طلباته اوامر الحين لا يصير في شي وابلش فيه بعدين ,,
ولعنا النار وجلس بجنبهاااا يطالع في النار وفي السماء هل هو يدعي ولا يتخيل ولا جاته حالة ولادة القصيده
[IMG]
[/IMG]
اخر شي التفت على وصررررررررررخ وقال بس جبتهاااا قلت وش فيك خرعتني بسم الله ,, قال انا قررت اغير نشاااطي ,, قلت وش تبي تسوي ,, قال شايف جو النار والجلسه هذي وجهي يعطي رعب صح ,, بدون تردد ولا حتى تفكير قلت له اكيييييييييييييييييد رعب ,,
قال خلاص انا قررت اشتغل مشعوذ هههههههههههههههههههههههههههههههه
عاد انا هنااااا مادريت وش اقووووول تنحت فيه .. وقلت له الله يوفقك ,,
والحين ابي رايكم ياجمااااااعه .. ينفع مشعوووذ ولا لا ؟؟ ههههههههههههههههههههه
مع حووووووبي للجميع ,,
ايه صح نسيت اقولكم ان النظاره الشمسه فصخهااا ههههههههههههههههههههههآآآي
خطوبة نديم الشمال ... والصدمه !!!
<<<<<<<<ياكبدي عليكي ياجده دهي دهي
العرض العادي
