بذكر الولي ببدا قصيــد ومراسيـــل
........وسرج معاني من جديد القــوافــي
شاعر كفو بطران من صفوه الجيل
.......يقدح زناد الشعــر صافي بصافــي
عدا على راس الجدي فوق وسهيل
.......وسلم على باقي الكواكب وطـافــي
ولا من مدحت امدح قروم الرجاجيل
.....ما امدح بشعري كل واطي وهــافــي
بمدح ابوطقيقه والشعر كنه السيل
......لا سال يروي العشب بعد الجفــافي
ربعي بني عمي هل البل والخيل
........والعز والناموس والطيب وافــــي
ربعي الحويطات يقدحون الفتيل
..........تشهد مجاريها بروس المنــافـي
تصنيع روسي منتجه أخر مديل
.........يقدح شررها ما تجيب العوافــي
وضيوفهم ترحب على دله الهيل
..........والنــار حيه للغدا يحوفها سنافي
اما المعادي لا ضوا تالي الليل
........ يبشر بها سم الكبـــود الخوافــي
اصغر طقيقي شفت في عينه الويل
..........كنه نمر يطوي خبوت الفيــافي
اما كبار القوم عز الرجاجيل
......حكمه وهيبه مروضين الخــلافــي
روس القبايل لا حشا ماهم بذيل
........تفرق معك بين العقاب وخرافــي
تاريخهم يشهد على كل ما قيل
......وتشهد لهم روس الجبال الصوافـي
هذا كلامي يا الوجيه المقابيل
.........سجيتها مسحوب لحن وقــوافي
وان كان شعري يحلقه أي تقليل
..........شقي خفوقي يا زيان الشــلافي
قلته وأنا شاعر يجر المواويل
........والهرج واضح ما عليها كلافــي
ودبل تحيه للقبــايل تدابيــل
........وان قلت فيكم نعم ما هوب كافـي
وهذا تحية منى الى ......... الاتى الاخير
رد: اكتب عبارة شكر لمؤسس شبكة الشموخ
العرض المتطور
