فضفضة3 ( ما قبل السوق)

صباح منور ع الجميع

خبركم 15 /9 قضى وتقاعد الشويب نزل ..يعني السوووق يااااعزوف
بعد فطور امس جيت للشويب وهو متمركي بالحوووش يتقهوى من قهوتي .. قلت بنعومة ودلع بنات وعيوني تشوف رجولي من الحياااء ...يبه ابي فلوووس.. كان يقولي مهنا فلوووس }} كالعادة هذا الرد عند اكثر الشياب بس عارفه له هذا ابيي ..
قلت له يبه ما يصير كل ما اقول ابي السوق تسون لي سالفة انا خبري بالسوق قبل ما اروح الرياض يعني قبل خمس شهووور .. وبالرياض ما تخلوني اطب برا السكن مثل خلق الله ,, حتى اكلي واغراضي اوصي عليها زميلات السكن اذا راحن السوق ,,,كان يرد علي ويقول بسم الله عليك الحين من جاب طاري السوق الحين ؟ قلت له أنا .. ابي الفلوووس عاشااان السوووق .. ما يبيلها فهم الله يهديك يا الشويب }} كنت اكلم نفسي بالمقطع الاخير
المهم بعد هرج ومرج كثيررر وشي يوجع الراس .. طلعت منه بـ500 ريال ويقول هذي لك ولاختك الصغيرة معك ... بست الـ500 وقلت بالمشمش ..انا اقدم معاريض وتقطع حنوكي من الهرج وهي نايمه وغانمة بالاخير .. لا .. ولا يمكن ,, وهذا الهرج معصي .. كنت اتكلم وماشية لداخل البيت ,,الحين حلينا سالفة الفلووس .. باااقي الجزء الي يمرض ويعقد ويدخل الواحد بأكتئاب حااااد .. الا وهو من الي راح يتكرم ويصير حاتم ويودين السوق .. رحت عند اخواني العزاب بالبداية ... واحد عسكري وشكل علية دوام كان يلبس ملابس الدوام.. والثاني منسدح ونص البطن طالعة وهو ع البلاي ستيشن والنفسية بخشومه من شكله .. وقفت عند الباب كني طالبة طالبتها مديرة المدرسة عشانها مسوية شي نوت قوود .. وقلت لهم بكل اريحية .. وكأني أخيرهم وواثقة اني اروح السوق .. ( أبوي يقول من يوديني السوق ) }} يا قوووويه
العسكري عطاني نظرة .. مالها معنى }} ما ودي اقول استحقار
والثاني مادرى عن هوا داري .. للحين مفهي مع العبه ,, جيت عنده وقلت ( وش رايك توديني السوق ) قال لمن أفووووز ... يمه جيت اموووت ما سكة اعصابي ..كان بكل برود اقول له متى بتفوووز قال اللعبه جديده وجالس اتعلم عليها .. ( ولكم ان تتخيلو شكلي وقتها .. أنواع التحطيم)
يمكن تسألون انفسكن بالذات يا بنات .. وين اخواني المتزوجين ... حتى انا فكرت فيهم بعد كسحت العزابيه لي دقيت من جوال أمي ع واحد منهم (الكبير والعاقل) عشان يرد بسرعة ..وفعلا رد !!. قلت له ابي اروح السوق .. قال وين اخوانك ..( شككني انه مو اخوي ) قلت له أنت فلان .. قال ايه انهبلتي انتي .. قلت وليه انا ماني اختك ... قال بلا فلسفة أنا ماني فاضي لك .. والثاني كمان دقيت عليه مارد علي }} اختصرها وكنه حاااس

جيت للاخير .. كان نايم ,, قلت ما يجيبها غير حريمها .. رحت عند حرمته الي جالسه مع امي.. وقلت لها متى يصحا زوجك المصوون ..قالت شويااات قلت لها تروحي معي السوق ( يعنني انا واثقة اني بروح السوق الحين ) قالت لي اوك بس من يودينا ؟؟قلت زوجك مايبيلها كلااام ... ضحكت .. وضحكت ..وانا ..لكم ان تتخيلووو الوان وجهي وقتها ( تقاطيع ) ,, ضحكت مجاملة من العلة الي فيني وقلت لها ليه تضحكين ... قالت .. لانه عمره ماوداني السوق كله يودين اخواني الله يحفظهم .. ( قال ايش ما يحب الاسواق .. وأنا اقطع ايدي اذا ماكانت تغار علية ومحرمة عليه ريحة السوق ..}} اخواني واعرفهم )

قمت من عندهن وانا كلي طفش ..طفش طفش عمري ماحسيت فيه..ياربي وش هالطفش .. نفشت كشتي وجلست احكها واطيح ف حضني ملمع اعراس أمس كنت العب فيه ع شعري ,,ومديت رجولي بالحوووش مكان ابوي الي راح عند جارانا الي شرى له وايت جديد}} ياحبها للشرح هههه
..وطلعت الـ 500 وقلت أكيد ان الشويب عطاك لي بدون نفس }}استغفر الله ما احط بذمتي ..
.. وقلت وش السوات .. ما القى مصباح علاء الدين ويطلع لي ( كومار مزيووون ) ويوديني السوق بغمضة عين ..واشتري طقم تايير .. وعلبة مكياج صغيرة من مكياجي شفتها بمجلة وحدة من البنات بالسكن وقصيتها وللحين نفسي اشتريها.. ونفسي اقص شعري واصبغه مع ا ن امي حالفة علي غير الحناء ما احط فيه وياويلي لو اقصه.. وكله تقولي لا تزوجتي لو تصلعي كيفك ,, .. بس قلت دامنه حلم بحلم وع كيفي قص وصبغ وتنظيف وكل شي ,, كان يطلع قدامي اخوووي دحووم يالبا قلبه انا .. كان يقولي وكله أستغراااب عزووووف !!!.. يمه خرعتيني وش بلاااك كذا ,, نسيت شكلي وقمت الملم بنفسي واضب الشوشه واحط شباصتي .. وقلت له بكل انكساااار ابي اروح السوق ومحد معطيني وجه .. قال وهو ممبتسم .. ابشري بس اكبر واسوق راح اوديك السوق ... نجوووم ولمباااات اشوفها قدامي من غبنه ... هذا وقت التريقة بالله يالدب...وقلت له وكلي غضب .. دحووووم فاااارق ماني ناقصتك .. اذا كبرت حالك من حال اخوانك ,, ومشيت لداخل البيت اهذر مع نفسي ...

امسا الليل بالحيل وصارت الساعة 12 وانا للحين عندي امل اني اروح السوق ... خلص ابو لعب لعبته .. قلت جااااك الفرج .. نطيت بوجه وهو طالع وقلت له وعيوني يتركرك الدمع فيها غصب ( ياااعشت ودني السوق ) قال وهو ما يطالعني ويطالع بجواله (بعدين!!) .. عصبت ومسكت اعصابي وقلت له متى بعدين .. أوعدني طيب ,, قال ليه مستعجلة ع السوق ,, الحين فاااض ما به احد اصبري كمان اسبوع ,, قلت له ليه ,, انا ودي اشتري ما ودي اشوف أحد ,, }} عرفت نيته ع الطاير ( قلت لكم أخواني واعرفهم ) . .. كان يتأف أف ,, ويقول كيفك ودك اوديك ع كيفي انا ورااااااح وتركني مصمدة عند باب الحوووش ..بعد ما شبعت كسايح .. ويأست من السوق الليلة .. رحت لسريري ,,, وجلست ابكي وابكي ... متوسدة يدي الي فيها ال500 ... وقلت ياربي هم كل الاخوان كذا ولا غير اخواني .. انا الغلط ولا هم .. ولا الامر كله عادي وانا الحساسه ع قولت امي ...ياربي .. نفسي يكون عندي شخصية واسوق سيارة .. }} يعني الحين الي مانعني بس الشخصية
نفسي نكون ساكنين جنب السوق مثل بيت عم خويتي ..نفسي اصير ولد بس وقت الاسواق خلاااص بطبخ واكرررف مو مشكلة ,,,نفسي يكون عندي اخت بعمري ولا اكبر وافضفض لها بدل الورعه الي يا نايمة يا ع البلاي ستيشن ,, نفسي يكون عندي صديقة صدقية وافضفض لها مثل ما افضفض لامي الي كله تكسح فيني ( بس احبها ) نفسي ونفسي ....ونفسي .. ليمن نمت صدقي ...

بعد وقت ...
... صحيت ع صوت امويمتي ,, وهي تقول ,,, السحووور يا عزوووف ,,, قمت وطالعت بالساعه الي بيدي لقيتها اربع الفجر.. وضحكت من قلب هههههههههههههه لين الحين ماسكة 500 بيدي هههههههههههههه

فضفضت لكم عن حالتي امس قبل السوق ,,, لنا لقاء ف فضفضة اذا رحت أن شاء الله ..

ادعولي بالفرج ف كل شي

[align=center]
ههههههههههههههههههههههههههههههههه حالتك حالة

من الشايب للعيال ههههههههههههههههههههههههه ذكرتيني بشايب اعطى ولده 45 ريال وقال اشتر ثوب لك خخخخخخخخ

الله يعيييينك مالك إلا كوماار ..

اهم شي الـ 500 لآ تضيع وانتي مارحتي السوق
[/align]

[align=center] الله يرجك ياعزوووف ويسعدك دنيا وأخرره ضحكتيني انتي وسوالفك

يابنت قوللي وين بيتك بس وربي أمـــر عليك وأخذك معي السوووق وماعليك لا بالشايب ولا بالعيال وبالذات العياااال لادروا فيه صاحبتك تضيع علومهم ويوديك ويشيلك شيل

وأذا على الأخوااان كله ياحظي كذا ولا تنتظري منهم شي السواااق وخلصي عمرك وخذي دحوووم معك وفضفضي ياغالية مثل ماتبي تيك يور تايم ..

وتقبلي مرووري بووود
[/align]

يؤؤؤؤ ياعزززوف اه والله حأإأإله الله يعينك

عاد اهم شئ حصلتي 500 الباأإأقي يهون ان شاء الله

تصدقي ذكرتيني بالراتب لازم اروووح لبيي واخذ لي هبشه منه ولا الشباب ان اعطاك يوم العيد 10 ريال عيديه خير وبركة ع الاقل شحن للجوال

عأإأإد اقوولك ترا العيال كذا تقولي السوق كنك قايله لهم جهنم هئ هئ

ياخيتي ترا الحال من بعضه

بأإآأإي

هذي لك ولاختك الصغيرة معك ... بست الـ500 وقلت بالمشمش .. أقــول يابنت الحلال أبو ي ما عمره بحيااته اعطاني اكثر من مية رياال هذابعد كل ثلاث سنوات ليس بخل لكن ذرووف احمدي الله انه يعطيكي مباالغ زي كذا وبعدين تعالي هذاا ابوكي الي رباكي وتعب من شان تكبري وتسااعدي العجوزه بلبيت وتجيبي نت وأخرته تكتبي فيه وتقولي>( شاايب )بكل برادة دم , اختي هذا رايي تحياتي ......

يوء يوء اول حاجه ودها تعلمنا انها لا عوده ولاشر تدرس بالرياض

قال ودها تشتري مكياج الا ودك 3عمال تلييس وماظن وجهك يصلح

اذا هذاعمرك وتحطين مكياج اجل لما تتزوجين وش تحطي شمع وجبس خخخخ

أنا اقووول مافيه داعي للحريم تروح السوووق بتات البته

احس ياهالعزوووف ان فضفضاتك نفخ في قربه مقطوووعه ؟

احم احم نديم كنك حنيت -خلهم يرزعوا هالعزوووف في البيت

الا عزوووف وش رايك ارسلك عجوز دايم تجينا تبيع ملابس شمتاااااان

خخخخخخخخخخخخخ قالت السوق اقووول لو عندي ماغير 50

ريال وكثيره فييييك ولو تفضفضين الين ماترجعين السكن لاعودة و لاشـــر

تشوووفون -تودين- يبــه -بالريااااض حلوه بالرياض

ياشين السرج على؟؟؟؟؟

والى اللقاء في رد اخر قآآآآآآآآعدلك

متى يجي اليوم الي أشوف نفسي أسوق همر و لا لاندكروزر و أروح المكان الي وديبه
و أفر شوارع الطايف و أجيكم تبوك - حقل سباحة ههههههههههه ..
و أمر عليك أوديك السوق و أي مكان تبين << خلينا نحلم الأحلام تسلي الروح شوي

المشاركة الأصلية كتبت بواسطة عبدالعزيز آل محسن

[align=center]
ههههههههههههههههههههههههههههههههه حالتك حالة

من الشايب للعيال ههههههههههههههههههههههههه ذكرتيني بشايب اعطى ولده 45 ريال وقال اشتر ثوب لك خخخخخخخخ

الله يعيييينك مالك إلا كوماار ..

اهم شي الـ 500 لآ تضيع وانتي مارحتي السوق
[/align]

لا ابشرك للحين الـ500 مية معي في الحفظ والصووون

عبدالعزيز ليكووون الشايب الي تسولف عنه أبووووك هههههههههههههههه

الله يعوضني بكووووماااار أكوس شي


لاتحرمني مرورك

المشاركة الأصلية كتبت بواسطة بنت الموسي

[align=center] الله يرجك ياعزوووف ويسعدك دنيا وأخرره ضحكتيني انتي وسوالفك

يابنت قوللي وين بيتك بس وربي أمـــر عليك وأخذك معي السوووق وماعليك لا بالشايب ولا بالعيال وبالذات العياااال لادروا فيه صاحبتك تضيع علومهم ويوديك ويشيلك شيل

وأذا على الأخوااان كله ياحظي كذا ولا تنتظري منهم شي السواااق وخلصي عمرك وخذي دحوووم معك وفضفضي ياغالية مثل ماتبي تيك يور تايم ..

وتقبلي مرووري بووود
[/align]

هلا ببنت الموسي تصدقين للحين مارحت السوق بس اليوم مسوية فيها زعلانه ومعووولة .... حتى الفطووور أسويه مع امي وانا عالتن كبدها بسبت هالسوق }} الله يسامحني يوم اتذكر ,,

والله ياليت تجيني ولا اجيك .... تصدقين نفسي تكون عندي شخصية واروح انا ودحوووم وامي مع السواق .. بس مدري ليه اخاف انهم يغتالوني }} تسمع حكاوي قبل النوم


الله لا يحرمني هالضحكة يارب .. ولا يحرمني المرور العذب

المشاركة الأصلية كتبت بواسطة آلشوقـ

يؤؤؤؤ ياعزززوف اه والله حأإأإله الله يعينك

عاد اهم شئ حصلتي 500 الباأإأقي يهون ان شاء الله

تصدقي ذكرتيني بالراتب لازم اروووح لبيي واخذ لي هبشه منه ولا الشباب ان اعطاك يوم العيد 10 ريال عيديه خير وبركة ع الاقل شحن للجوال

عأإأإد اقوولك ترا العيال كذا تقولي السوق كنك قايله لهم جهنم هئ هئ

ياخيتي ترا الحال من بعضه

بأإآأإي

الشوقــ لا تشكيلي ولا ابكيلك ... تعالي نسوي مسيرة أحتجااااج بالشوارع (ونقول ... نبي باااصات من الحكومة ببلااااش تودينا وين ما نبي ... أو... يخلونا نسوووق بدون شروووط)

شواقة الحقي ع شويبكم الله يطول لكم بعمرة ... ولاتحرميني من عبورك الرايق

المشاركة الأصلية كتبت بواسطة سـهـمـ الشمـالـ

هذي لك ولاختك الصغيرة معك ... بست الـ500 وقلت بالمشمش .. أقــول يابنت الحلال أبو ي ما عمره بحيااته اعطاني اكثر من مية رياال هذابعد كل ثلاث سنوات ليس بخل لكن ذرووف احمدي الله انه يعطيكي مباالغ زي كذا وبعدين تعالي هذاا ابوكي الي رباكي وتعب من شان تكبري وتسااعدي العجوزه بلبيت وتجيبي نت وأخرته تكتبي فيه وتقولي>( شاايب )بكل برادة دم , اختي هذا رايي تحياتي ......

طيب أنت معصب وزعلااان ليه ...

الحين هي وش مشكلتك بالضبط ... الـ100 الي ابوك يعطيها لك كل 3 سنوات
ولا كلمة ( الشويب ) !!
يا أخي انا كيفي ابوي وانا حرررررررة فيه ادلعه على كيفي ... }} عندك شي

بعدين برادة الدم الي تقول عنها ... ولا الغيرة الي من الـ500 بيد بنت لا حول لها ولا قوة ... }} وانا اقول ليه ما رحت للسوق للحين

المشاركة الأصلية كتبت بواسطة نديم الشمال

يوء يوء اول حاجه ودها تعلمنا انها لا عوده ولاشر تدرس بالرياض

قال ودها تشتري مكياج الا ودك 3عمال تلييس وماظن وجهك يصلح

اذا هذاعمرك وتحطين مكياج اجل لما تتزوجين وش تحطي شمع وجبس خخخخ

أنا اقووول مافيه داعي للحريم تروح السوووق بتات البته

احس ياهالعزوووف ان فضفضاتك نفخ في قربه مقطوووعه ؟

احم احم نديم كنك حنيت -خلهم يرزعوا هالعزوووف في البيت

الا عزوووف وش رايك ارسلك عجوز دايم تجينا تبيع ملابس شمتاااااان

خخخخخخخخخخخخخ قالت السوق اقووول لو عندي ماغير 50

ريال وكثيره فييييك ولو تفضفضين الين ماترجعين السكن لاعودة و لاشـــر

تشوووفون -تودين- يبــه -بالريااااض حلوه بالرياض

ياشين السرج على؟؟؟؟؟

والى اللقاء في رد اخر قآآآآآآآآعدلك

قل أعوذ برب الفلق

المشاركة الأصلية كتبت بواسطة عطر الليالي

متى يجي اليوم الي أشوف نفسي أسوق همر و لا لاندكروزر و أروح المكان الي وديبه
و أفر شوارع الطايف و أجيكم تبوك - حقل سباحة ههههههههههه ..
و أمر عليك أوديك السوق و أي مكان تبين << خلينا نحلم الأحلام تسلي الروح شوي

لو شااااص انا راضية تجيني فيه ونفررررررر ابو روسناااا فرررررر


أيييييييييييييييييه يا عطر .. متى يجي هذاااك اليوم ...متى

المشاركة الأصلية كتبت بواسطة عزوف الشمال

طيب أنت معصب وزعلااان ليه ...

الحين هي وش مشكلتك بالضبط ... الـ100 الي ابوك يعطيها لك كل 3 سنوات
ولا كلمة ( الشويب ) !!
يا أخي انا كيفي ابوي وانا حرررررررة فيه ادلعه على كيفي ... }} عندك شي

بعدين برادة الدم الي تقول عنها ... ولا الغيرة الي من الـ500 بيد بنت لا حول لها ولا قوة ... }} وانا اقول ليه ما رحت للسوق للحين

أقول بعد ما كنت اكفخ عيال الحاره تجين انتي وتتريقين علي ؟؟؟؟ بنات اخر زمن

المشاركة الأصلية كتبت بواسطة عزوف الشمال

قل أعوذ برب الفلق

*شر بقآع الارض أسوآقهآ

عزوووووف تسيف الحال
أقوول ياوخيتي ورى ماتسلفن ال500 وعلى الراتب إنشالله أسدتس بدل ماهي مصفطه بمخباتس
لا وبعد أتوقع يبي لها كوووي حق الصووف
وش رايتس تخلينا أفلها بالخمس ميه وأنا ادعيلتس إنهم ليلة العيد يودونتس
ههههههههههههاي
والله قطعتي قلبي
كله كوووم وقولتك ياعشت ودني السوووق
إحسها طالعه من البطين الأيمن والأيسر وعظلة القلب

والله ضحكتيني

ننتظرك في معاناة أوووخرى

بيودونك بيودونك عاجلا ً أو آجلا ً .. الله لايعوق بشر ..
بس طولي بالك !!!

المشاركة الأصلية كتبت بواسطة ياإأإألبيهـ ياقلبها

عزوووووف تسيف الحال
أقوول ياوخيتي ورى ماتسلفن ال500 وعلى الراتب إنشالله أسدتس بدل ماهي مصفطه بمخباتس
لا وبعد أتوقع يبي لها كوووي حق الصووف
وش رايتس تخلينا أفلها بالخمس ميه وأنا ادعيلتس إنهم ليلة العيد يودونتس
ههههههههههههاي
والله قطعتي قلبي
كله كوووم وقولتك ياعشت ودني السوووق
إحسها طالعه من البطين الأيمن والأيسر وعظلة القلب

والله ضحكتيني

ننتظرك في معاناة أوووخرى

سبحااان الله الكعكة ف فم اليتيم عجبة

الحين الي غيران ان ابيي يعطيني خمس مية وهو ابيه يعطيه مية كل 3 سنوات

والي حاط عينه ع خمس ميتي ووده يفلهاا ع حسابي فلووو راسة عن قمل قوم فرعون ..


اقول ضحكت من سررررررك الله لا يستجيب لدعاك واروح ليلة العيد لسوووق



تهي تهي تهي }} للحين ما رحت السوووق والخمس مية بدت تحلل

المشاركة الأصلية كتبت بواسطة الوصيف

بيودونك بيودونك عاجلا ً أو آجلا ً .. الله لايعوق بشر ..
بس طولي بالك !!!

نفس كلااام امويمتي ... بس متى

عزوووف ياعيني مستعجلة ليش عالأسووواق تبوك والله مايسووووى عليك التعب لو لجدة كنت أقوول البنت يحق لها لكن تبوك ..؟؟

بس ياغااالية طولي بالك نزل الراتب وبأخذك معي وفليها بس ها السحووور عندك<<<وحدة لئيمة تبيك تكرفي