بريدكم الوارد لـ شعرائنا الكرام ..

{...حصريا...}


ودي أوجه وجهتي واتوجه,,
ومنين مايدركني الفرض صليت..
لاصار جوي صاير فيه عجه,,
عن البلد والدار والاهل هجيت..
وأخذت لي في ديرة السبع سجه,,
والذيب لانادى على الذيب ناديت..
في موتر توه جديد بعجه,,
واجي ديار ماتجيها العفاريت..
على فجوج الله ودنا نهجه
ومنين ماسجت بي الرجل سجيت

تحيه للأخ الدحمي على هذه الفكره فعلا جت في وقتها . وأبي أشاركم في ثلاثة أبيات قلتها
أبيات قديمه جدا . أنشاالله تعجبكم
ألا وشلون قلتيها غلانا طــــــال مشـــــواره ،،،،، وأنا اللي لوبــغيت أخفي عيوني بالغلا أنبـــت
وأنا اللي يوم تهجرنـــي هواك أزور تذكاره ،،،،، رسمته يوم أنا رجلي على راس الطويـل أنبت
غدى حبك شجر وأثمر وحانت قطفة أثماره ،،،،، زرعته وأنت ياالجاهل تحسب الزرع مــاينبت
حسين أبوتايه الحويطي

الذيب مايمشي دروبه حصيني....وعمر الحصيني ماسلك سكة الذيب
يبقى الحصيني بالسهل والبطسيني....والذيب يبقى فوق روس المراقيب

طرح جميل وهاكم اللي عندي
000
ابشر بها من دونها حبت الكوع 0000ياكيف ابشر والقضية قضية
امشي مع دربٍ تواليه مقطوع000 واشكي على نفسي ونفسي شقية
ياصاحبي بعض المواضيع مرفوع000 خل الكلام اللي يجيب الاذية
صاحبك ماهو من القلب منزوع000 عنده مشاعر داخل القلب حية
0000000
مبطي
وش عاد مني بقى ياللي تحاكيني 000 غير القصايد وريثة كل الامجادي
مبطي وانا اراعي بروق الرجا بعيني000 الله وكيلك حدى عن غيثها حادي
أمرار اقول البلا في حضي الشيني 000وامرار اكابر واقول ان الامر عادي
وانا غديت وظلام الياس يطويني 000 ولاعاد لي مع حقوق الغيث ميعادي
لولا الامل بالكريم اللي مقديني 000 لقيتني مثل اعمى ضيع القادي
000000
تاه قلبي
تاه قلبي عن دروب اهل الهوى وعنها تزافا 00والبشر تتهم وانا الذمة من التهمة برية
والضماير عن رداة الفعل والممشى تجافا 00 والله اني مامشيت إلا الدروب الجرهدية
وقلبي اللي من جروح اول زمانه ماتعافا 00طالت المدة ومازالت جروح البين حية

هذا ماكان يحضرني
رفـــيـــــق المـــظــــــــــــامــــــي

لك في حنايا الروح كشك ودكان***ولك بوسط القلب مسبح وفله
قلبي خلي ولاسكن فيه عربان***الا انت ياراعي العيون المضله
غير انت وحدك ماحويلاك عربان*~**قلبي ديار وحضرتك مستحله
قلبي ربيع وراعي القلب عطشان***وياريت ريقي من سدودك تبله
ياعمري الباقي وياكل من كان ***ياحبي الاول وياالحب كله

بيت ارسله لي احد الاخوان :

عزي لمن حده زمانه على الجيش..... عقب الوناسه داقشو به خفاره

ورددت عليه:

ياصاحبي متبوعتن لقمة العيش ..... ودنياك هذي امرين ربح وخساره

من لاصبر مافادته سكة الطيش..... وبيت بلا اســــاس مؤكــــد دماره

قالو تزوج عيش عمرك وجرب
ترى الحياه تروح لحضة تجارب
مايدرو ان الحض شرق وغرب
ولاجاب منها غير مر المشارب
يبغــــــالها تسعين حتى تقرب
وتمـــــــــــد يدك للربع والاقارب
وانا مأملك غير ددسن مخرب
وعنزين في بيت الشعر بس تضارب
وما باقي الا خش حمله وهرب
ياعز يان السيف للعنق ضارب

السلام عليكم ورحمة الله وبركاته
حاولت انزل قصيدة في موضوع مستقل لكن الموقع في كل مره يكتب الكلمة الدلاليه قصيره ومره يكتب طويله المهم انا بنزل القصيده هنا وفي بعض الاماكن
[RAMS]http://www.up.t-kjool.com/upfiles/a2W49383.amr[/RAMS]

ماحسبت احساب لوجيه الرحوم ,,,,,,,,,, وابي اخليـــها ابوضــــعي حــــــــــــــايره

ماعبر حد الوفا شـــــــــك ووهوم ,,,,,,,,, والدفـــــاعات اللـــتي اتحرســـه ثـــــــايره

والخفـــــوق اللي سكنتيبه كتـــوم ,,,,,,,,,, مـــايبيـــــــــح ومـــــــحكمه ســـــــــــــــتايره

مااتـــراجع لو شربت من السموم ,,,,,,,,,, ولو خيــول الموت جتني غـــــــــــــايره

مشــــــــــــــــــــــــــكور يالدحمي خووووووش فكره بيض الله ثناك يالغالي

اخوك الصيرمـــــــــــــــــــــــــــــــــــــــي

ماعلى مثلك مشاريه وعتاب
...............ولاعلى مثلك نبي نعقد امل

ولاضربنا للرخوم اية حساب
.................ولاطرحنا لاعتلينا للزمل

عادات الاجواد شـرب الفناجيـن .... ومهمة الجاهات يخذ العطاوي
تجيبك الاعراف وحكم القوانين.... لا كثرت القالـه وكبـر البـلاوي
ولا نقسم العرب وساروافريقين....الله يلز الذيب على جحر واوي

سٌئلت ذات مرة عن حكمتي في الحياة
فقلت

اخذت بادنيا الدروس وتعلمت
وعلمت كل اللي يريد إتعلم

مافيه حكمه عندي ابلغ من الصمت
ولا ندم صامت كثر من تكلم

دنياك قامت تضرب اخماس باسداس === عسى الله يكفينا شرور العوابث

دنياك لوعيت تجيلك على الكيف === خلك طويل البال واصبر عليها