بيان من حويطات الاردن حول مجزرة معان

السلام عليكم :
أول شي الله يعظم اجركو بالشباب الي راحوا بهالجريمة النكراء والله يصبر اهاليهم ويعوض عليهم وانا بستنكر هالجريمة وبطالب بمعاقبة كل المجرمين الي قاموا فيها .ثاني اشي انا بعتب على كبار وحكماء عشيرة الحويطات لانه بصراحة يااخوان وبدون مجاملة الي صاير ما بيرضي الله و لا بيرضي اي اردني مخلص بيحب بلده واهله وناسه وخاصة عشيرة الحويطات المحترمة و بقول انو اغلاق الشوارع وقطع ارزاق الناس وتخويف المسافرين الابرياء ما بيرجع حق . و بعدين شو قصة جرح الدركي بالقويرة ؟ يعني شو ذنب هاالمسكين الي قاعد بيخدم بوظيفته و متغرب عن اهله وما له علاقة بالطوشة و مش خصم الكو وشو الفايده من جرحه ؟ وبعدين المجرمين مثل ما فهمنا معروفين الكو و للامن و بالاسم وموجودين في معان ... خلص خذوا ثاركو منهم و ما الو داعي تسكروا الطرقات . وبرجع بعيد المجرمين بمعان و اذا الدولة ما مسكتهم من حقكو تاخذوا ثاركو منهم ..... اما تمسك لي شوفير عابر سبيل ما الو علاقة بالموضوع وتحجزه بس لانه معاني فهاي مش من اخلاق الحويطات الي بنعرفها.و بعدين بدي افهم ليش التجمهرو تسكير الطرقات في الحسينية والقويرة و المريغة ووادي عربة والزلمة الي ثاركو عندو في معان ؟ بالنهاية يا روحوا لمعان و استدوا من المجرمين او خلوا الامن يشوف شغله والبلد فيها قانون وفيها قضاء عادل