قالو تحبه قلت ياناس مدري

[poem=font=",6,deeppink,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
قالو تحبه قلت ياناس مدري=وش هي وصوف الحب ماني بداري
الحب كلمة قالها احمد وصبري= ويقولها خالد وسالم وساري
اكيد اريده ماابتعد عنه شبري=وفرقاه عندي مثل طعن الشباري
ون غاب عن عيني انا ضاق صدري=ودموع عيني كنها سيل جاري
واسهر على شانه ولا انام بدري=لاجله نهاري ليل ليلي نهاري
لو يبتسملي زال همي وكدري=واضحك وانا ماني على الضحك ضاري
وان كشر بوجهي من الهم اهذري=واطيح واصحا في سرير الطواري
ان كان هذا الحب غارق لشعري=ياما من اسبابه ذرفت العباري
وياما من اسبابه بكا دم شعري=بالشعر اهيم بحسرتي بالصحاري
والجسم عندي من سبايبه مبري=في علتة ماينفع الاستشاري
لكن قسم بالله ذا الحب عذري=صحيح احبه بس ماسك وقاري
مااسوي الشينات والله يدري=حصنت نفسي في صحيح البخاري
[/poem]